Roma 6:14 - Porjanjian Boharu Torjomahan Baso Dilakng Soari-ari

¹⁴ Dosa kinyo monguaso'i kaitn agi'. Sobab, kaitn kinyo hidup dibabah kuaso Hukupm Torat, apo kaitn hidup dibabahkuaso Allah inyo hala monunju'an koboi'an-Nyo ko kaitn.

Roma 6:14 ပူးပေါင်းရင်းမြစ်များ

Matius 1:21

Maria paca'an boana'an siku' bobia' lolaki. Kolai gola' mondamo'i-Nyo, Yesus, obai Io monyolamant'an umant-Nyo doi' boko dosa sia'.”

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Yohanes 8:36

Jadi, aman Ana' Allah, mombulah kaitn merdeka, jadi kaitn pan bondar-bondar merdeka.

Roma 11:6

bukainyo obai sia' bulah koboi'an. Soandainyo, Allah momilih monsio obai sia' bulah koboi'an, jadi nantai boroti Allah kinyo bondar-bondar monunju'an koboi'an-Nyo.

Roma 4:16

Obai nantai am kobondaran bodasaran kopocaya'an oca' morupoan poonju' inyo cuma-cuma doi' Allah, sampai janji nantai bolaku pakai' somuo koturutan Abrahapm, bukainyo bayo pakai' sia' inyo hidup doi' hukupm Torat, apo jam pakai' sia' inyo hidup doi' iman Abrahapm. Obai Abrahapm ia'an bopai kito somuo,

Roma 5:17

Obai dosa siku' urakng, jadi somuo urakng gola' mati. Apo, kotakng lobih bosar agi' akibat doi' apo inyo dilabuhan ulih siku' urakng inyo bukai, ia'an Yesus Kristus. Nantai am koboi'an inyo Allah onju' ko monsio, ia'an Sio mombulah caronyo oca' urakng ulih monjadi bondar di hadapan-Nyo. Ongko sia' nantai paca'an bokuaso di dunia ni'in molalu'i Kristus.

Roma 5:18

Jadi, sobuti' dosa ulih Adapm mombulah somuo urakng monjadi salah di hadapan Allah. Sama'an nian jam, sobuti' porbuatan bondar ulih Yesus mombulah somuo urakng monjadi bondar di hadapan Allah, sampai sia' mondapat kohidupan inyo sobondarnyo.

Roma 6:12

Obai nantai, jangan agi' mombiaran dosa monguaso'i hidup kaitn di dunia ni'in inyo ongkah sobontar aja'. Jangan agi' monuruti kohonda' pakai' bodosa.

Roma 6:15

Jadi sama'an apo? Aku momandiran obai kito co hidup dibabah kuaso Hukupm Torat, apo kito hidup dibabah kuaso Allah inyo torus-monorus monunju'an koboi'an-Nyo ko kito. Apobai nantai boroti kito suba' mo mombulah dosa? Samo sokali cado!

Roma 8:12

Jadi, boko somadikan, kito gola' hidup monuruti Roh Allah, kinyo monuruti kohonda' monsio.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

Galatia 3:23

Sobolupm datakng watunyo pakai' pocayo ko Yesus. Hukupm Torat nantai mongurukng huatan monjago kito, samo sama'an urakng inyo monjago ponjahat di ponjara. Kito dikurukng sampai watu pakai' pocayo ko Yesus nantai dinyatoan.

Galatia 4:21

Ni'inan aku momadahan ko kaitn inyo honda' hidup dibabah kuaso somuo porintah huatan poraturan Allah inyo ditulis Musa dalapm buku Hukupm Torat. Sobondarnyo kaitn mongoroti cado agatn tulisan Musa?

Galatia 5:18

Aman kaitn hidup dibimbikng Roh Allah, kaitn kinyo gola' hidup monaati Hukupm Torat.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 8:10

Apo lopas watu nantai, sama'an ni'inan pojanjian inyo paca'an Aku pulah agatn umant Israel: Aku paca'an molota'an boko porintah-Ku dalapm pikiran sia'. Aku paca'an monulisnyo dalapm hati sia'. Aku paca'an monjadi Allah sia'. Sia' paca'an monjadi umant-Ku.