Roma 6:13 - Porjanjian Boharu Torjomahan Baso Dilakng Soari-ari

¹³ Jangan tundu' ko kuaso dosa huatan mombiaran dosa momakai boko anggota bukakng kaitn sama'an alat pakai' bulah kojahatan. Hidup kaitn inyo manah nantai udah mati. Watu ni'in, kaitn dionji'i hidup boharu. Jadi, tundu' ko kuaso Allah huatan mombiaran Sio momakai boko anggota bukakng kaitn sama'an alat pakai' bulah inyo bondar.

Roma 6:13 ပူးပေါင်းရင်းမြစ်များ

Roma 12:1

Obai somuonyo nantai, boko somadikan, ni'in aku kotakan muhun ko kaitn: Obai Allah monunju'an kasih-Nyo ko kaitn, jadi kaitn gola' monyorahan diri kaitn ko Sio samo sama'an kurbatn posombahan inyo hidup. Kaitn gola' hidup agatn caro inyo borosih doi' dosa ongko monyonangan Sio. Nianam caro inyo bondar pakai' monyombah Sio.

Roma 6:16

Kaitn tontu tohu ni'in: aman kaitn monyorahan diri kaitn ko siku' urakng huatan monaati io, boroti kaitn ia'an hulutn urakng nantai. Kaitn ulih monjadi hulutn dosa ongko akibatnyo kaitn paca'an mati socaro rohani. Damo kaitn ulih monaati Allah agatn akibatnyo kaitn paca'an bulah inyo bondar.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

Roma 7:5

Komai, kito ija' hidup sosuai agatn boko kohonda' kito sobagai monsio. Hukupm Torat morarakng kito bodosa, apo justru nantai inyo mombulah boko kohonda' nantai lobih kuat agi'. Jadi, boko anggota bukakng kito monjumpati boko kohonda' jahat nantai sampai kito bodosa. Akibatnyo, kito soharusnyo dihukupm mati topisah doi' Allah.

1 Petrus 4:2

Kaitn molabuhan nantai oca' somanah kaitn ija' hidup di dunia ni'in, kaitn co monuruti kohonda' dunia, apo kaitn monuruti kohonda' Allah.

Kolose 2:13

Komai kaitn udah mati socaro rohani obai kaitn bodosa huatan kinyo di sunant socaro jasmani. Apo Allah udah moonji'i kaitn kohidupan boharu bosamo-samo agatn Kristus. Allah udah moamputi somuo dosa kito.

1 Korintus 6:20

Allah udah momboli kaitn huatan mombayarnyo lunas. Obai nantai, gunoan cam bukakng-tubuh kaitn pakai' moninggian Allah.

1 Yohanes 1:9

Apo, aman kito moaku'i boko dosa kito ko Allah, Sio monunju'an obai Sio sotia huatan adil. Obai nantaiam, Sio moamputi boko dosa kito, huatan momborosihi kito doi' boko porbuatan kito inyo jahat.

1 Korintus 6:15

Co tohu bai kaitn aman bukakng-tubuh kito siku'-monyiku' samo sama'an anggota bukakng-tubuh Kristus. Obai kito anggota bukakng-tubuh Kristus, jadi kito culih monyorahan bukakng-tubuh kito ko lahukng!

Efesus 2:5

Biar pan komai kito udah mati socaro rohani obai dosa kito, Allah udah moonji'i kito kohidupan boharu bosamo-samo agatn Kristus. Kaitn disolamant'an ongkah obai Allah monunju'an kasih karunia-Nyo ko kaitn.

Filipi 1:20

Aku kotakng honda' ongko moharap'an obai aku co bulah boko-lapo inyo bulah ku monjadi malu di hadapan Tuhatn. Apo aku boharap aku tajahan monjadi borani watu ni'in samo sama'an aku hala borani sobolupmnyo. Agatn ubo nantai, aman aku mati damo hidup, Kristus tajahan dimuliaan agatn lapo ja' inyo tojadi ko bukakng-tubuhku.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

Roma 6:19

(Aku tohu kaitn ija' manah mongoroti boko hal rohani. Jadi, aku momakai contoh ni'in mongona'i hulutn oca' kaitn lobih mudah mongoroti.) Komai kaitn monyorahan diri kaitn monjadi hulutn dosa. Boko anggota bukakng kaitn digunoan pakai' bulah boko hal inyo kotor huatan jahat. Apo watu ni'in kaitn gola' monyorahan diri kaitn monjadi hulutn Allah oca' boko anggota bukakng-tubuh kaitn ulih digunoan pakai' bulah boko hal inyo bondar huatan borosih doi' dosa.

2 Korintus 10:4

Boko sonjato inyo koi pakai dalapm pojuakan koi bukainyo sonjato dunia ni'in. Sonjato koi ado kuaso doi' Allah inyo ulih mohancuran boko bentekng musuh koi.

Roma 6:11

Kaitn gola' moniant diri kaitn sama'an nantai jam. Kaitn udah mati tohadap dosa huatan kaitn hidup pakai' monyonangan Allah obai kaitn ado hubukan agatn Kristus Yesus.

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

2 Korintus 8:5

Sia' moonji'i lobih banya' doi' inyo koi sangko. Mulonyo sia' monyonangan Tuhatn. Lopas nian, sia' monyonangan koi. Obai, caro nantai sosuai agatn kohonda' Allah.

2 Korintus 5:15

Masudnyo ubo ni'in: Kristus udah mati pakai' somuo urakng. Sio molabuhan nantai oca' boko urakng, inyo hidup, sia' co hidup pakai' monyonangan diri sia' siku', apo sia' hidup pakai' monyonangan Sio, ia'an Sio inyo udah mati ongko bobali' hidup agi' pakai' sia'.

Roma 7:23

Biar pan aku bopikir somuo hukupm nantai boi', aku kinyo mampu molabuhannyo, obai ado hukupm bukai dalapm diriku inyo molawatn poraturan Allah nantai, ia'an kuaso dosa. Kuaso dosa bokorojo dalapm boko anggota bukakngku sampai aku monjadi hulutn dosa.

Lukas 15:32

Apo kito gola' bulah pogai huatan rindakng-ramai, obai adikng kolai nantai ubonyo udah mati, apo ni'in hidup agi' Io udah hilakng, apo ni'in udah kotomuannam.’ ”

Yakobus 4:1

Hibo kaitn hala bokolohi huatan hala botikakng agatn siku'-monyiku'? Nantai obai kaitn ado hawa napsu. Kaitn co honda' molabuhan boko hal inyo Allah kohonda'i. Jadi, sama'an ado poparakan dalapm diri kaitn.

Roma 1:29

Sia' kinyo hidup bondar di hadapan Allah. Hati sia' jahat huatan tama'. Sia' mombonci' huatan mooso tungi agatn urakng bukai. Sia' hala honda' botikakng ongko mombunuh urakng bukai. Sia' monipu huatan mondondapm.

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Lukas 15:24

Obai ubonyo ana'ku ni'in udah mati, apo ni'in hidup agi'. Io udah hilakng, apo ni'in ditomuan agi'.’ Lalu labuh am sia' pogai.

2 Tesalonika 2:12

Allah molabuhan nantai oca' somuo urakng kinyo pocayo Kabar Boi' inyo bondar huatan somuo urakng inyo sonang agatn boko hal inyo jahat dihukupm.

2 Korintus 5:14

Apo alasan pakai' somuo porbuatan koi ia'an obai Kristus mongasihi koi. Obai koi tohu agatn ni'in: Aman siku' urakng udah mati pakai' somuo urakng, jadi somuo urakng nantai udah mati jam.

2 Timotius 2:15

Bousahacam oca' Allah moanggap kolai siku' urakng inyo rajitn bokorojo. Jadicam siku' urakng pogai inyo kinyo gola' malu obai somuo pokoroja'annyo boi'. Ajarancam agatn topat ajaran inyo bondar.