Roma 5:9 - Porjanjian Boharu Torjomahan Baso Dilakng Soari-ari

⁹ Ni'inan kito udah dibondaran molalu'i komatian Kristus; obai nantai am kito pasti paca'an disolamant'an jam doi' ponggodi Allah molalu'i Kristus.

Roma 5:9 ပူးပေါင်းရင်းမြစ်များ

1 Tesalonika 1:10

Sia' pan mongisahan obai kaitn monanti watu Ana' Allah paca'an datakng agi' ko dunia ni'in doi' sorugo. Ia'an, Yesus inyo udah Allah hidupan agi' doi' komatian. Yesus nantaiam inyo monyolamant'an kito doi' hukupan Allah inyo paca'an datakng.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

Efesus 2:13

Apo watu ni'in kaitn kinyo sama'an nian agi' am obai kaitn di dalapm Kristus Yesus. Komai kaitn jouh doi' Allah apo watu ni'in kaitn monjadi dampikng obai darah Kristus.

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Roma 5:1

Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

Roma 1:18

Apo doi' sorugo Allah monunju'an ponggodi-Nyo pakai' somuo urakng inyo bodosa huatan bulah kojahatan. Obai, kojahatan nantai mohalaki monsio mongonal ajaran inyo bondar.

Ibrani 9:22

Memang monurut Hukupm Torat, hampir somuo hal monjadi borosih agatn darah. Dosa monsio bayo ulih diamputi aman darah doi' kurbatn posombahan ditumpahan.

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.

Roma 8:30

Ubo nantaiam, Allah moningkau sia' inyo udah dipilih Sio doi' komai. Sia' nantai inyo Sio tingkau, Sio pan bulah sia' monjadi bondar di pohadapan-Nyo. Sia' nantai inyo monjadi bondar, Sio pan moonji'i kohidupan inyo mulia.

1 Yohanes 1:7

Apo, aman kito hidup di dalapm torakng, samo agatn Allah hidup dalapm torakng, jadi kito pan mondapat kosatuan agatn inyo bukainyo. Kito pan diborosihi doi' boko dosa kito obai darah Yesus, Ana'-Nyo.

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

Efesus 2:3

Sobondarnyo, komai kito somuo hidup agatn caro inyo sama'an nantai am. Kito monjumpati boko kohonda' bukakng-tubuh kito. Kito hidup sosuai agatn pikiran huatan kohonda' kito siku'. Porangai kito ia'an porangai boko urakng inyo soharusnyo dihukupm Allah samo sama'an boko urakng bukai.