Roma 5:7 - Porjanjian Boharu Torjomahan Baso Dilakng Soari-ari

⁷ Biasonyo kinyo ado urakng inyo honda' mati pakai' urakng bukai. Soandainyo ado urakng inyo mombulah inyo bondar, kotakng uyuh bondar jam urakng honda' mati pakai' io. Mungkitn ado urakng inyo borani mati pakai' urakng inyo boi'.

Roma 5:7 ပူးပေါင်းရင်းမြစ်များ

Matius 13:15

Obai hati banso ni'in udah co honda' mongoroti. Kolindakan sia' udah tingal. Mato sia' udah buto. Nantai tojadi oca' sia' co moniant agatn mato sia', sia' co mondinga' agatn kolindakan sia', sia' co mongoroti agatn hati sia'. Jadi sia' co paca'an moninggalan dosa sia' huatan Aku co paca'an monyamani sia'.’ ”

Yohanes 15:13

Urakng inyo kotakan mongasihi pokawalannyo ia'an io inyo monyorahan nyaonyo pakai' sia'.

Kisah Boko Rasul 11:24

Nah, Barnabas nantai urakng inyo boi' hati. Io hala disoroto'i kuaso Roh Allah. Io kotakan pocayo agatn Yesus. Jadi, lopas polayatan Barnabas, banya' agi' urakng inyo monjadi pocayo ko Tuhatn Yesus.

Roma 16:4

Sia' kalo hampir mati obai honda' monyolamant'an hidupku. Aku botorima' kasih ko sia'. Malahan, somuo jomaat urakng bukainyo urakng Yahudi botorima' kasih ko sia'.

Roma 5:6

Kito kinyo ulih monjadi bondar agatn kokuatan kito siku'. Apo pas timpu inyo ditontuan Allah, Kristus mati pakai' kito. Sio molabuhan nantai biar pan timpu kito kinyo pocayo ko Allah.

Roma 5:8

Apo, Allah monunju'an kasih-Nyo ko kito agatn caro ni'in: Timpu kito ija' urakng bodosa, Kristus mati pakai' kito.

1 Yohanes 3:16

Apo kito udah mongotohu'i caro pakai' mongasihi urakng bukai doi' contoh ni'in: Yesus Kristus monyorahan hidup-Nyo pakai' monyolamant'an kito. Jadi, kito pan gola' rela monyorahan hidup kito pakai' boko somadikan kito.