Roma 5:2 - Porjanjian Boharu Torjomahan Baso Dilakng Soari-ari

² Obai kito pocayo ko Yesus, jadi kito jam ulih moalapi koboi'an inyo Allah torus-monorus ditunju'an ko kito. Nantaiam koadaan hubukan kito agatn Allah watu ni'in. Apo kito jam sonang-nyamanam obai kito yakitn moharapan obai nono kito paca'an mondapat'an hidup inyo mulia bosamo Allah di sorugo.

Roma 5:2 ပူးပေါင်းရင်းမြစ်များ

Matius 25:21

Lalu, habakngnyo nantai bopandir ko io, ‘Boi'am! Kolai hulutn inyo boi' huatan sotia. Obai nantai kolai dapat dipocayo agatn urusan inyo kocit, jadi aku paca'an moonju' kuaso ko kolai pakai' urusan inyo bosar agi'. Mara mansu'. Bosonang-sonang bosamo agatn aku!’

Yohanes 10:7

Obai nantai Yesus bopandir agi', “Pondinga'an bobondarcam inyo Ku pandiran ni'in: Aku ninam samo agatn lawakng kandakan pakai' domba nantai.

Yohanes 10:9

Aku ninam lawakngnyo. Sotiap urakng inyo mansu' molalu'i Aku, io paca'an solamant. Io paca'an koluar-mansu', monomuan padakng rumput.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Roma 11:20

Memang nantai bondar. Apo ingant obai sia' dipatahan obai sia' kinyo pocayo ko Yesus. Allah monorima' kaitn obai kaitn pocayo. Jadi, jangannam buhau obai kaitn monggonti'i sia'. Apo gola'cam agatn Allah!

Roma 12:12

Sonang-nyamancam obai kaitn yakitn boharap ko Tuhatn. Kaitn gola' botahatn mohadapi ajab sonsaro ongko hala bodoa.

Roma 14:4

Urakng nantai ia'an polayatn umputn Tuhatn, bukainyo umputn kolai. Jadi, kolai conyiant ado hak pakai' mohakipi io. Aman io jatu' damo bodiritn, nantai urusan Tuhatn inyo bokuaso doi' io. Apo pasti io tajahan totap bodiritn togap obai Tuhatn bokuaso mombulah io bodiritn togap.

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

Roma 2:7

Allah paca'an moonju' kohidupan kokal ko urakng inyo kinyo monyorah pakai' bulah koboi'an, ia'an urakng inyo bulah koboi'an obai moncari' komulia'an huatan hormat doi' Allah, huatan honda' dionji'i hidup kokal doi' Sio.

Roma 3:23

Obai, somuo urakng udah bodosa ongko udah kohilakan komulia'an Allah.

Roma 5:5

Aman kito boharap ko Sio sama'an nantai, jadi kito kinyo paca'an kocewa. Obai, hati kito udah dibisi'i Allah agatn kasih-Nyo. Allah molabuhan nantai agatn porontaroan Roh-Nyo inyo udah dionju' ko kito.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

Roma 8:24

Doi' watu kito disolamant'an, kito yakitn moharap'an somuo inyo Allah janjian nantai. Conyiant urakng inyo ija' moharap'an la'apo pan inyo udah io onju'. Aman io udah monorima' nantai, jadi io co moharap'an nantai agi'.

1 Korintus 15:1

Boko somadikan, ni'inan aku honda' moingant'an kaitn mongona'i Kabar Boi'. Sokomai aku udah momboritoan Kabar Boi' ko kaitn ongko kaitn monorima'nyo. Kaitn pan udah somombondarannyo pocayo ko Kabar Boi' nantai.

2 Korintus 3:18

Somuo kito inyo di bimbikng Roh Tuhatn, Sio torus-monorus morubah kito monjadi mongkitn samo agatn Sio. Jadi, kohidupan kito monunju'an obai Tuhatn mulia, samo sama'an mato-muho kito co ditutupi koitn ponutup nantai.

2 Korintus 4:17

Pondorita'an inyo koi hadapi watu ni'in bayo somontaromo. Apo hasilnyo koi mondapat'an borokat inyo somanah-manahnyo. Jadi, pondorita'an nantai lompukngmo dibandikan agatn borokat nantai inyo jouh lobih bosar doi' la'apo pan.

Efesus 2:18

Kito doi' koduo pihak nantai ulih datakng ko Allah Bopai agatn caro inyo samo, ia'an molalu'i Kristus. Somuo kito dionji'i Roh Allah inyo samo inyo mombulah nantai tojadi.

Efesus 3:12

Obai kito pocayo ko Kristus, jadi di dalapm Sio, kito bebas datakng ko Allah. Kito kinyo paca'an gola'.

Efesus 6:13

Jadi, kaitn gola' momakai somuo sonjato inyo di onju' Allah oca' watu kaitn disorakng ulih kuaso jahat, kaitn mampu botahatn molawatn nantai. Lalu, lopas kaitn bojuakng sampai ahir pakai' molawatn kuaso jahat nantai, kaitn paca'an totap kuat botahatn.

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

Ibrani 6:18

Watu Allah moucap'an janji-Nyo ongko sumpah-Nyo, co mungkitn Sio tumbukan. Koduo hal nantai kinyo ulih borubah. Obai nantai, kito inyo datakng ko Sio oca' dilinduki, hati kito monjadi kotakng kuat pakai' boharap obai nononyo kito paca'an monorima' borokat inyo dijanjian Allah ko kito.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

Wahyu 21:11

Kota nantai bisi agatn komulia'an Allah. Randainyo samo sama'an batu pormato inyo kotakng boi', sama'an yaspis, putih torus samo sama'an kristal.

Wahyu 21:23

Kota nantai kinyo momontikan matoari damo bulatn pakai' monorakinyo. Obai, cohayo doi' komulia'an Allah monorakinyo. Ana' Domba nantai pan monjadi samo sama'an lampu pakai' kota nantai.

Wahyu 21:3

Lalu aku mondinga' saro inyo borakng doi' tahta nantai. Katonyo, “Tiatcam! Kodiapan Allah ado di tongah-tongah monsio. Sio paca'an bodiapm bosamo agatn sia'. Sia' paca'an monjadi umat-Nyo. Sio siku' paca'an monyoroto'i sia', monjadi Allah sia'.

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.