Roma 5:16 - Porjanjian Boharu Torjomahan Baso Dilakng Soari-ari

¹⁶ Akibat doi' dosa Adapm kinyo samo agatn akibat doi' koboi'an Allah nantai. Sobuti' dosa Adapm mombulah somuo urakng monjadi salah di hadapan Allah. Akibatnyo, somuo urakng gola' dihukupm. Apo, koboi'an Allah mombulah oca' dosa banya' urakng ulih diamputi. Akibatnyo, sia' monjadi bondar di hadapan Allah.

Roma 5:16 ပူးပေါင်းရင်းမြစ်များ

Yakobus 2:10

Soandainyo ado urakng inyo monaati hampir somuo porintah Allah. Urakng nian bayo molanggar sobuti' porintah-Nyo. Rotinyo, io totap salah samo sama'an io molanggar somuo porintah nantai.

Galatia 3:10

Apo sotiap urakng inyo bayo bousaha monaati Hukupm Torat, komungkitan paca'an kona' tulah, obai mungkitn sia' co ulih hala monaati somuo porintah huatan poraturan Allah nantai. Obai ado totulis dalapm Buku Suci: “Allah paca'an mohukupm boko urakng inyo kinyo hala sotia monaati somuo Hukupm Torat.”

1 Korintus 11:32

Apo aman Tuhatn mohukupm kito inyo pocayo ko Sio, boroti Sio mondidik kito oca' kito nononyo kinyo paca'an dihukupm bosamo agatn urakng bukai di dunia ni'in inyo co pocayo.

Matius 6:14

Jadi, amputicam boko urakng inyo bulah kosalahan ko kaitn. Obai aman kaitn moamputi sia', ongko Allah Bopai kaitn di sorugo pan paca'an moamputi boko dosa kaitn.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.