Roma 5:1 - Porjanjian Boharu Torjomahan Baso Dilakng Soari-ari

¹ Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

Roma 5:1 ပူးပေါင်းရင်းမြစ်များ

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Kolose 1:20

Allah pan bulah somuo hal ulih bokomboi'an agi' agatn Sio. Ia'an, somuo hal di bumi huatan di sorugo. Allah molabuhan nantai agatn darah Kristus inyo mati di kayu salib.

Roma 6:23

Upah doi' dosa ia'an kito gola' mati topisah doi' Allah. Apo Allah monunju'an koboi'an-Nyo ko kito. Sio moonji'i hidup kokal ko kito obai kito bosatu agatn Kristus Yesus, Tuhatn inyo bokuaso dipucu' kito.

Roma 14:17

Obai, Koraja'an Allah bukainyo soal poraturan pomakatn ongko minuman, apo soal hidup inyo bondar, hidup agatn damai, ongko hidup agatn sonang-nyamanam. Somuo nantai doi' Roh Allah.

2 Tesalonika 3:16

Ni'inan koi bodoa ko Tuhatn Yesus inyo moonji'i kito sonang-asau. Koi bodoa oca' dalapm somuo hal Sio hala moonji'i kaitn sonang-asau. Koi bodoa oca' Sio pan hala monyoroto'i kaitn somuo.

Yohanes 14:27

Timpu watu Aku botula', Aku moonji'i sonang-asau-Ku ko kaitn. Sonang-asau-Ku inyo Aku onju' ko kaitn, bukainyo sama'an ponyaman inyo dunia onju'. Jadi jangan golisah. Jangan gola'.

Roma 4:5

Apo nantai bukai caronyo Allah mombulah urakng inyo bodosa monjadi bondar di hadapan-Nyo. Monjadi bondar bukainyo sama'an upah apo sama'an hadiah. Sobab, Allah mombulah urakng monjadi bondar bukai obai porbuatannyo apo obai io pocayo.

Kolose 3:15

Kaitn samo sama'an sobukakng-sotubuh. Allah moningkau kaitn pakai' hidup dalapm sonang-asau agatn inyo bukai. Obai nantai, kohonda'nyo sonang-asau doi' Kristus monguaso'i hati kaitn. Bukai doi' nantai, bosukurcam ko Allah.

Roma 15:33

Aku bodoa oca' Allah hala ado bosamo agatn kaitn somuo, ia'an nantai Allah inyo moonji'i sonang-nyamanam. Amin.

Kisah Boko Rasul 10:36

Kaitn tohu obai Allah udah monyampaian Kabar Boi' ko koi banso Yahudi. Joman komai, Allah bojanji Sio paca'an moutus siku' urakng Rajo. Rajo nantai paca'an mombuka' jalatn oca' urakng ulih bodamai agatn Allah. Yesus nantai Rajo Inyo Dijanjian Allah. Yesus nantai Tuhatn inyo puku' somuo urakng di dunia.

Filipi 3:9

ongko oca' aku ulih bosatu agatn Sio. Aku monjadi bondar di hadapan Allah bukainyo obai usaha ku siku' monaati Hukupm Torat. Aku monjadi bondar obai aku pocayo agatn Kristus. Allah inyo molabuhan nantai. Sio mombulah monsio monjadi bondar di hadapan-Nyo aman sia' pocayo.

1 Tesalonika 5:23

Ni'inan koi bodoa ko Allah inyo moonji'i kito sonang-asau huatan bulah kaitn mongkitn lobih suci dalapm somuo hal. Koi bodoa mudahan kinyo ado boko hal inyo jahat dalapm soluruh roh kolai, jiwa kolai huatan bukakng-tubuh kolai, timpu Yesus, Tuhatn kito nononyo datakng agi' ko dunia ni'in.

Roma 5:18

Jadi, sobuti' dosa ulih Adapm mombulah somuo urakng monjadi salah di hadapan Allah. Sama'an nian jam, sobuti' porbuatan bondar ulih Yesus mombulah somuo urakng monjadi bondar di hadapan Allah, sampai sia' mondapat kohidupan inyo sobondarnyo.

Lukas 19:42

Kato-Nyo, “Aku kotakng boharap kaitn mongotohu'i caro inyo bulah kaitn sonang-asau. Apo watu ni'in kaitn culih mongotohu'i caro nantai.

Lukas 19:38

Kato sia', “Diborokati Rajo inyo datakng agatn kuaso Tuhatn Allah! Sonang-asau di sorugo ongko topujicam Allah di tompat inyo maho tinggi.”

Galatia 2:16

Sokomai koi bopikir sama'an nantai jam. Apo ni'in koi udah mongotohu'i obai co nyiant urakng dipohitukan bondar di hadapan Allah obai sia' monaati Hukupm Torat. Urakng dipohitukan bondar di hadapan Allah bayo obai sia' pocayo agatn Yesus. Nanam alasan koi udah pocayo agatn Kristus Yesus. Koi dipohitukan bondar di hadapan Allah obai koi pocayo agatn Kristus, bukainyo obai koi monaati Hukupm Torat. Hal nantai udah totulis dalapm Buku Suci, “Jadi co nyiant siku' urakng pan inyo dipohitukan bondar dihadapan Allah” agatn caro monaati Hukupm Torat.

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Roma 10:10

Obai agatn hatinyo urakng pocayo, lalu io monjadi bondar di pohadapan Allah. Urakng mongaku'i agatn mulutnyo lalu io disolamant'an.

Roma 3:30

Ongkah ado siku' Allah. Jadi, caronyo monjadi bondar di hadapan-Nyo ia'an caro inyo samo pakai' urakng Yahudi inyo bosunant huatan pakai' urakng bukai Yahudi inyo co bosunant. Caronyo ia'an pocayo ko Yesus.

Roma 1:17

Obai, dalapm Kabar Boi' nantai, Allah monunju'an caronyo monsio dapat monjadi bondar di pohadapan-Nyo, ia'an agatn pocayo ko Yesus, huatan torus pocayo sampai ahirnyo. Sama'an pomandiran ni'in inyo totulis di Buku Suci: “Boko urakng inyo pocayo paca'an monjadi bondar di pohadapan Allah, jadi sia' paca'an bodapat hidup inyo sobondar-bondarnyo.”

Ibrani 13:20

Aku bodoa ko Allah inyo moonji'i sonang-asau. Sio mombulah Tuhatn kito, Yesus, bobali' hidup doi' komatian. Agatn sama'an nantai, darah Yesus monsahan pojanjianinyo Allah pulah agatn monsio pakai' somanah-manahnyo. Yesus monjadi Gombala Agukng inyo mombimbikng kito, boko domba-Nyo.

Efesus 2:7

Nantai am caronyo Allah monunju'an kasih karunia-Nyo ko kito dalapm Kristus Yesus. Allah molabuhan nantai oca' pado masa-masa nononyo boko urakng ulih moniant obai Sio kotakng boi'.

Galatia 3:25

Ni'in udah watunyo kito ulih pocayo ko Sio. Obai nantai am, Hukupm Torat kinyo monjago kito agi'.

Roma 10:15

Ongko co mungkitn monsio ulih momboritoan mongona'i Sio aman monsio nantai kinyo diutus pakai' momboritoan. Samo sama'an pomandiran ni'in inyo totulis di Buku Suci: “Kotakan monyonangan kodatakan urakng inyo mombaba' kabar boi'!”

Roma 9:30

Aman ubo nian, la'apo inyo ulih kito padahan? Kito ulih monyimpulan ni'in: Boko urakng bukainyo urakng Yahudi kinyo bousaha monjadi bondar di hadapan Allah. Apo, sia' monjadi bondar obai sia' pocayoagatn Kristus.

Lukas 2:14

“Pujian pakai' Allah di sorugo, tompat Inyo Maho Tinggi. Sonang-asau di bumi pakai' monsio inyo monyonangan hati Allah.”

Roma 3:22

Ia'an, urakng monjadi bondar di hadapan Allah agatn caro pocayo ko Yesus Kristus. Caronyo samo pakai' somuo urakng. Dalapm hal nantai, urakng Yahudi kinyo ado bedanyo doi' urakng bukai Yahudi.

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Roma 5:11

Bukainyo ongkah nantai saja'! Kito pan sonang-nyamanam obai koboi'an Allah, ia'an watu ni'in kito bobali' bohubukan boi' agatn Sio obai porbuatan Yesus Kristus, Tuhatn kito.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,