Roma 4:9 - Porjanjian Boharu Torjomahan Baso Dilakng Soari-ari

⁹ Apobai pomandiran Daud nantai boroti ongkah urakng Yahudi inyo bosunant mondapat borokat nantai? Samo sokali cado! Urakng bukai Yahudi inyo kinyo bosunant mondapat borokat nantai jam! Obai, udah koi pandiran Abrahapm monjadi bondar obai io pocayo.

Roma 4:9 ပူးပေါင်းရင်းမြစ်များ

Lukas 2:32

Ponyolamant ni'in ubo torakng inyo monjolasan kohonda' Tuhatn ko boko urakng inyo bukainyo banso Yahudi. Sio pan bulah umant Duatn Israel dihormati”.

Roma 4:10

Pikiran cam! Sombilo Abrahapm monjadi bondar, sobolupm io disunant kata'an lopas jadi bosunant? Abrahapm monjadi bondar sobolupm io disunant!

Roma 4:3

Obai, dalapm Buku Suci totulis sama'an ni'in, “Abrahapm pocayo ko Allah. Nantaiam alasan Abrahapm ulih monjadi bondar di hadapan Allah.”

Galatia 3:14

Watu Yesus Kristus monyolamant'an kito doi' hukupan nantai, borokat inyo dionji'i ko Abrahapm dionji'i jam ko boko urakng bukainyo Yahudi. Solaitn nantai, aman kito pocayo ko Yesus, kito pan ulih monorima' Roh inyo dijanjian Allah.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.