Roma 4:21 - Porjanjian Boharu Torjomahan Baso Dilakng Soari-ari

²¹ Io kotakan pocayo obai Allah bokuaso molabuhan la'apo inyo udah dijanjian ko io.

Roma 4:21 ပူးပေါင်းရင်းမြစ်များ

Matius 19:26

Yesus borotian sia' ongko bopandir, “Co mungkitn monsio ulih molabuhan nantai. Apo, Allah ulih molabuhan la'apo pan.”

Lukas 1:1

Ko inyo tohormat, Teofilus: tangga'i; potamo Yesus ado di dunia, ado boko urakng inyo moniant agatn matonyo siku'. Sia' molayati Allah agatn caro monyampaian borito mongonaꞌi Yesus nantai. Sia' pan monyampaian borito nantai ko kito duo, samaꞌan nian jam ko boko urakng inyo mondinga' borito nantai. Banya' doi' sia' bousaha monulis niant apo boko kojadian nantai udah tojadi di tongah-tongah kito.

Lukas 1:37

Pomandiranku ni'in pasti tojadi obai co nyiant inyo co mungkitn bagi Allah.”

Lukas 1:45

Sonang-nyamanam hidup kolai, obai kolai pocayo agatn inyo dipandiran Tuhatn ko kolai somuonyo pasti tajahan tojadi.”

Roma 14:4

Urakng nantai ia'an polayatn umputn Tuhatn, bukainyo umputn kolai. Jadi, kolai conyiant ado hak pakai' mohakipi io. Aman io jatu' damo bodiritn, nantai urusan Tuhatn inyo bokuaso doi' io. Apo pasti io tajahan totap bodiritn togap obai Tuhatn bokuaso mombulah io bodiritn togap.

Roma 14:5

Ado urakng inyo bopikir ado ari totontu inyo lobih pontikng daripado ari inyo bukai. Apo, ado jam urakng inyo bopikir somuo ari samo ja'. Sotiap urakng gola' yakitn dalapm hatinyo siku' obai io molabuhan la'apo inyo bondar di hadapan Tuhatn.

Roma 8:38

Obai, aku yakitn aman kito hidup damo mati, Allah totap mongasihi kito. Conyiant ado molekat, roh jahat damo kuaso bukai inyo ulih monyongkayoan kito doi' kasih Allah. Conyiant ado la'apo pan inyo tojadi watu ni'in damo nononyo,

2 Korintus 9:8

Ingantcam obai Allah sanggup moonji'i banya' borokat ko kaitn, oca' kaitn hala ado la'apo pan inyo kaitn pontikan. Agatn ubo nantai, kaitn ulih molabuhan banya' porbuatan boi'.

2 Timotius 1:12

Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.

Ibrani 11:13

Somuo urakng inyo disobutan tontai totap pocayo ko Allah biar pan sia' mati sobolupm sia' mondapat boko hal inyo dijanjian-Nyo. Sia' totap yakitn obai moniant doi' jouh obai Allah tajahan monopat'i janji-Nyo. Sia' monorima' nantai agatn sonang hati sampai sia' moaku'i sia' ia'an urakng asikng ongko porantau di bumi.

Ibrani 11:19

Apo Abrahapm totap rela momposombahan ana'nyo obai io pocayo Allah bokuaso mombulah Ishak hidup agi' doi' komatian. Jadi, ulih dikatoan Abrahapm udah monorima' Ishak bobali' doi' komatian.