Roma 4:18 - Porjanjian Boharu Torjomahan Baso Dilakng Soari-ari

¹⁸ Timpu nantai, kotiat'annyo sama'an Abrahapm kinyo ado harapan agi' pakai' mondapat'an koturutan. Apo, Abrahapm totap yakitn moharapan ko Allah obai io paca'an monjadi bopai banya' banso. Io pocayo pomandiran Allah ni'in ko io: “Nononyo kolai paca'an ado kotakan banya' koturutan!”

Roma 4:18 ပူးပေါင်းရင်းမြစ်များ

Lukas 1:18

Lopas nantai Zakharia bopandir ko molekat nantai, “Aku ni'in udah tuhoam. Biniku pan udah tuhoam jam! Niant apo aku suba' pocayo agatn pomandiran duatn bondar-bondar tajahan tojadi?”

Kisah Boko Rasul 27:25

Jadi, boko somadikan, jangan putus asa. Aku yakitn ko Allah. Somuo paca'an tojadi samo sama'an pomandiran molekat nantai ko aku.

Roma 4:17

Sama'an inyo totulis dalapm Buku Suci: “Aku udah monjadian kolai bopai pakai' banya' banso.” Allah bopandir nantai ko Abrahapm, huatan Abrahapm pocayo ko Sio. Ia'an, Allah inyo bokuaso mombulah urakng mati bobali' hidup agi' huatan agatn pomandiran-Nyo aja', Allah mombulah la'apo inyo kinyo ado monjadi ado.

Roma 4:19

Abrahapm mongotohu'i obai bukakngnyo kotakan tuho pakai' monjadi bopai obai umurnyo udah kiro-kiro soratus tohutn. Io pan mongotohu'i bininyo, Sara, manang. Apo, Abrahapm totap kuat pocayo

Roma 5:5

Aman kito boharap ko Sio sama'an nantai, jadi kito kinyo paca'an kocewa. Obai, hati kito udah dibisi'i Allah agatn kasih-Nyo. Allah molabuhan nantai agatn porontaroan Roh-Nyo inyo udah dionju' ko kito.

Roma 8:24

Doi' watu kito disolamant'an, kito yakitn moharap'an somuo inyo Allah janjian nantai. Conyiant urakng inyo ija' moharap'an la'apo pan inyo udah io onju'. Aman io udah monorima' nantai, jadi io co moharap'an nantai agi'.

Ibrani 6:19

Harapan nantai samo sama'an jangkar inyo mombulah jiwa kito aman ongko totap kuat pocayo. Harapan nantai monombus tidikng ruakan maho suci di rumah Allah di sorugo. Yesus udah mombuka' jalatn pakai' kito ko tompat nantai, ongko mansu' ko santai monjadi Imam Agukng pakai' somanah-manahnyo samo sama'an, Melkisedek monjadi imam ija' joman komai.