Roma 4:17 - Porjanjian Boharu Torjomahan Baso Dilakng Soari-ari

¹⁷ Sama'an inyo totulis dalapm Buku Suci: “Aku udah monjadian kolai bopai pakai' banya' banso.” Allah bopandir nantai ko Abrahapm, huatan Abrahapm pocayo ko Sio. Ia'an, Allah inyo bokuaso mombulah urakng mati bobali' hidup agi' huatan agatn pomandiran-Nyo aja', Allah mombulah la'apo inyo kinyo ado monjadi ado.

Roma 4:17 ပူးပေါင်းရင်းမြစ်များ

Matius 3:9

Jangan bopikir dalapm hati: Koi koturutan doi' Abrahapm. Pasti Allah kinyo paca'an mohukupm koi. Ingant: Doi' boko batu ni'in pan Allah ulih bulah koturutan Abrahapm!

Yohanes 5:21

Bopai bulah boko urakng mati lalu bobali' hidup, huatan moonji'i sia' kohidupan inyo sobondarnyo. Ubo nian jam Ana' moonji'i kohidupan inyo sobondarnyo ko sopo ja' sosuai kohonda'-Nyo.

Yohanes 5:25

Pondinga'ancam bobondar inyo Ku pandiran ni'in: Tajahan datakng watunyo malahan udah datakam watunyo boko urakng mati paca'an mondinga' saro Ana' Allah. Sia' inyo mondinga'annyo paca'an hidup.

Yohanes 6:63

Inyo bulah monsio hidup ia'an Roh Allah. Kokuatan monsio co nyiant gunonyo pakai' nantai. Pomandiran inyo Ku padahan nantai boasal doi' Roh Allah. Pomandiran nantai ulih moonji'i hidup inyo sobondarnyo.

Kisah Boko Rasul 15:18

Tangga'i joman komai, Aku udah momadahan somuonyo ni'in.”

Roma 3:29

Cubo bopikir: Apobai Allah ongkah Allah urakng Yahudi am? Samo sokali cado! Sio ia'an Allah boko banso bukai jam!

Roma 4:18

Timpu nantai, kotiat'annyo sama'an Abrahapm kinyo ado harapan agi' pakai' mondapat'an koturutan. Apo, Abrahapm totap yakitn moharapan ko Allah obai io paca'an monjadi bopai banya' banso. Io pocayo pomandiran Allah ni'in ko io: “Nononyo kolai paca'an ado kotakan banya' koturutan!”

Roma 4:2

Soandainyo Abrahapm monjadi bondar obai porbuatannyo, jadi io ado alasan pakai' moninggian diri. Apo sobondarnyo, conyiant alasan pakai' Abrahapm moninggian diri di hadapan Allah.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

Roma 9:11

Allah bopandir ko Ribka, “Ana' inyo kojula'an tajahan monjadi hulutn ana' inyo kobunsuan.” Allah momilih Yakub sobolupm koduo bobia' nantai dilahiran, sobolupm sia' molabuhan lapopan inyo boi' damo inyo jahat. Allah molabuhan nantai oca' jolas obai Sio momilih urakng bukai sosuai agatn porbuatan sia', apo sosuai agatn kohonda' Sio siku'.

Roma 9:26

Huatan di tompat di mono komai Allah bopandir ko sia', ‘Kaitn bukainyo umant-Ku,’ di tompat nantai jam Allah inyo hidup tajahan bopandir, ‘Kaitn nam poana'an-Ku.’ ”

1 Korintus 1:28

Sio momilih urakng inyo dianggap kinyo pontikng, inyo dianggap kocit, huatan inyo dianggap kinyo boroti monurut monsio. Sio molabuhan nantai pakai' bulah boko hal inyo dirogo'i monsio monjadi kinyo borogo.

1 Korintus 15:45

Sama'an inyo totulis di dalapm Buku Suci, “Allah bulah monsio potamo, ia'an Adapm. Adapm monjadi hidup.” Adapm nantai disobut Adapm potamo. Apo Kristus disobut Adapm toahir. Sio nantai Roh inyo bokuaso moonji'i hidup inyo somombondarannyo.

1 Timotius 6:13

Allah moonji'i hidup ko somuo hal. Kristus Yesus momandiran la'apo inyo bondar mongona'i diri-Nyo siku' timpu Sio diadili di hadapan Pontius Pilatus. Jadi, di hadapan Allah huatan Kristus Yesus aku monyiuh ko kolai:

Ibrani 11:12

Obai nantai, io mondapat kotakng banya' koturutan biar pan io bayo siku' urakng ongko io kotakng tuho soumpamo bukakng-tubuhnyo udah mati. Kinyo tohitukng banya'nyo koturutannyo sama'an banya'nyo bintakng di langit damo banya'nyo pasir di pantai lout.

Ibrani 11:3

Obai kito pocayo, jadi kito mongoroti Allah mombulah sogolintaran alapm ni'in agatn momakai pomandiran-Nyo ja'am. Jadi, somuo inyo kito tiat, tojadi doi' somuo hal inyo kinyo ulih di tiat.

Ibrani 11:7

Obai Nuh pocayo, jadi io monaati Allah. Timpu nantai, Allah monohu'i io mongona'i malopotako inyo tajahan tojadi nononyo inyo bolupm ulih ditiatnyo. Nuh monaati Allah sampai io mombulah porohu bosar inyo monyolamant'an io ongko koluarganyo. Agatn sama'an nantai, dunia dihukupm apo Nuh monjadi bondar di hadapan Allah obai io pocayo.

1 Petrus 2:10

Komai, kaitn bukainyo boko urakng umputn Allah. Apo ni'in kaitn udah monjadi boko urakng umputn-Nyo. Komai, Allah co monunju'an koboi'an-Nyo ko kaitn. Apo ni'in Allah udah monunju'an koboi'an-Nyo ko kaitn.

2 Petrus 3:8

Apo, pakai' kaitn, boko somadikanku inyo ku kasihi, jangan sampai kaitn tongkolupatn sobuti' hal ni'in: Tuhatn co mohitukng watu samo sama'an monsio. Pakai' Tuhatn, soari samo sama'an soribu tohutn. Soribu tohutn samo sama'an soari.