Roma 4:15 - Porjanjian Boharu Torjomahan Baso Dilakng Soari-ari

¹⁵ Hukupm Torat mondatakan hukupan Allah. Apo aman hukupm nantai conyiant, jadi polanggaran pan conyiant jam.

Roma 4:15 ပူးပေါင်းရင်းမြစ်များ

Yohanes 15:22

Aku udah datakng monyampaian ko sia' pomandiran inyo bondar doi' Allah. Apo sia' co pocayo ko aku. Soandainyo Aku co molabuhan nantai, jadi sia' co bodosa. Apo watu ni'in sia' conyiant ado alasan agi' pakai' dosa sia'.

Yohanes 3:36

Boko urakng inyo pocayo ko Ana' Allah, mondapat'an kohidupan somanah-manahnyo. Apo boko urakng inyo kinyo monaati Ana' Allah, co mondapat'an kohidupan nantai. Sia' ija' kona' hukupan doi' Allah.”

Roma 1:17

Obai, dalapm Kabar Boi' nantai, Allah monunju'an caronyo monsio dapat monjadi bondar di pohadapan-Nyo, ia'an agatn pocayo ko Yesus, huatan torus pocayo sampai ahirnyo. Sama'an pomandiran ni'in inyo totulis di Buku Suci: “Boko urakng inyo pocayo paca'an monjadi bondar di pohadapan Allah, jadi sia' paca'an bodapat hidup inyo sobondar-bondarnyo.”

Roma 5:13

Boko urakng di dunia udah bulah dosa sobolupm Hukupm Torat. Obai bolupm ado Hukupm Torat, jadi dosa nantai kinyo dianggap samo agatn kosalahan molanggar porintah Allah.

1 Korintus 15:56

Komatian monjonti' agatn monggunoan dosa. Dosa jadi bokuaso molalu'i Hukupm Torat.

Galatia 3:10

Apo sotiap urakng inyo bayo bousaha monaati Hukupm Torat, komungkitan paca'an kona' tulah, obai mungkitn sia' co ulih hala monaati somuo porintah huatan poraturan Allah nantai. Obai ado totulis dalapm Buku Suci: “Allah paca'an mohukupm boko urakng inyo kinyo hala sotia monaati somuo Hukupm Torat.”

Galatia 3:19

Aman ubo nian, ma'apo Allah moonji'i Hukupm Torat ko Musa? Allah moonju' Hukupm Torat nantai oca' kito tohu obai kito molanggar boko porintah Allah. Allah bomasud oca' Hukupm Torat nantai totap monjago sampai watu koturutan Abrahapm inyo dijanjian nantai datakng, ia'an Yesus. Allah moonju' Hukupm Torat nantai molalu'i boko molekat inyo monyampaiannyo ko siku' monsio sobagai porontaro Allah agatn monsio.

Efesus 5:6

Jangan totipu aman ado urakng inyo monyampaian ajaran inyo bukainyo doi' nantai. Pomandirannyo kinyo bondar. Obai, pastiam Allah paca'an mohukupm boko urakng inyo molabuhan somuo macapm porbuatan jahat nantai, ia'an boko urakng inyo kinyo taat ko Sio.

Kolose 3:6

Boko hal jahat nantai bulah Allah kotakng godi. Sio paca'an mohukupm boko urakng inyo kinyo monaati-Nyo.

1 Yohanes 3:4

Urakng inyo hala bulah dosa, inyo nian molanggar boko porintah Allah. Obai, bulah dosa samo agatn molanggar boko porintah Allah.

Wahyu 19:15

Sio ado podakng tajapm inyo koluar doi' nyao-Nyo. Agatn podakng nantai, Sio paca'an mongalahan boko banso. Sio paca'an momorintah sia' agatn tungkah bosi. Sio inyo paca'an momoyah anggurnyo di dalapm tompat pomoyahan anggur nantai, ia'an tompat inyo molambakan ponggodi Allah Inyo Maho Kuaso.