Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 4:14 - Porjanjian Boharu Torjomahan Baso Dilakng Soari-ari

14 Soandainyo, borokat inyo dijanjian Allah nantai ongkah dionju' ko urakng inyo monaati Hukupm Torat, akibatnyo urakng pocayo ko Allah nantai pocumo huatan janji nantai balakng.

အခန်းကိုကြည့်ပါ။ ကော်ပီ




Roma 4:14
14 ပူးပေါင်းရင်းမြစ်များ  

ongko oca' aku ulih bosatu agatn Sio. Aku monjadi bondar di hadapan Allah bukainyo obai usaha ku siku' monaati Hukupm Torat. Aku monjadi bondar obai aku pocayo agatn Kristus. Allah inyo molabuhan nantai. Sio mombulah monsio monjadi bondar di hadapan-Nyo aman sia' pocayo.


Poraturan dalapm Hukupm Torat mombulah boko urakng inyo kinyo sompurna diangkat monjadi imam agukng. Apo lopas Hukupm Torat, ado sumpah inyo dipandiran Allah. Agatn sumpah nantai, Allah moangkat Ana'-Nyo monjadi Imam Agukng inyo sompurna pakai' somanah-manahnyo.


Hukupm Torat nantai kinyo ulih mombulah siku' monsio pan monjadi sompurna di hadapan Allah. Apo watu ni'in, molalu'i Yesus, kito dionji'i harapan inyo lobih boi'. Agatn sama'an nantai, kito ulih datakng dampikng ko Allah.


Aku co paca'an kalo monula' koboi'an doi' Allah nantai inyo sobondarnyo kito kinyo cucu' monorima'nyo! Kito kinyo ulih dipohitukan bondar dihadapan Allah aman kito bousaha monaati somuo porintah huatan poraturan Allah dalapm Hukupm Torat. Ongkonyo kito ulih dipohitukan bondar agatn caro nantai, boroti Kristus mati kinyo ado rotinyo.


Obai nantai am kobondaran bodasaran kopocaya'an oca' morupoan poonju' inyo cuma-cuma doi' Allah, sampai janji nantai bolaku pakai' somuo koturutan Abrahapm, bukainyo bayo pakai' sia' inyo hidup doi' hukupm Torat, apo jam pakai' sia' inyo hidup doi' iman Abrahapm. Obai Abrahapm ia'an bopai kito somuo,


Aman kito monjadi bondar obai kito pocayo, apobai nantai boroti kito bopikir obai Hukupm Torat kinyo ado gunonyo? Samo sokali cado! Sobali'nyo justru obai kito pocayo, jadi kito monuruti la'apo inyo Allah masud agatn moonju' Hukupm Torat.


Aman kaitn bousaha bulah diri kaitn monjadi bondar di hadapan Allah agatn caro monaati Hukupm Torat, rotinyo kaitn momotusan hubukan agatn Kristus. Agatn ubo nian kaitn monula' koboi'an Allah.


Jangan ubo nian. Co mungkitn Kristus tobagi-bagi! Aku, Paulus samo sokali co mati di kayu salib pakai' kaitn! Kaitn pan samo sokali kinyo dibaptis dalapm damoku!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ