Roma 4:13 - Porjanjian Boharu Torjomahan Baso Dilakng Soari-ari

¹³ Allah bojanji pakai' moonju' dunia ko Abrahapm huatan koturutannyo. Allah mombulah janji nantai bukai obai Abrahapm monaati Hukupm Torat, apo obai Abrahapm pocayo huatan monjadi bondar di hadapan-Nyo.

Roma 4:13 ပူးပေါင်းရင်းမြစ်များ

Galatia 3:29

Obai kaitn nantai umputn Kristus, ongko kaitn monjadi sama'an koturutan Abrahapm. Kaitn monjadi waris inyo paca'an monorima' borokat doi' Allah inyo Allah janjian ko Abrahapm.

Roma 9:8

Nantai boroti koturutan Abrahapm inyo monjadi poana'an Allah, ongkah sia' inyo lahir obai janji Allah huatan bukai somuo koturutannyo.

Kisah Boko Rasul 13:32

Jadi ni'inan koi monyampaian Kabar Boi' nantai ko kaitn. Timpu joman komai, Allah bojanji ko angki-bayatn kito. Allah bojanji pakai' mongiripm siku' urakng Rajo inyo paca'an momorintah umant-Nyo somanah-manahnyo.

Roma 4:12

Apo Abrahapm jam monjadi bopai loluhur urakng Yahudi inyo bosunant, inyo moniru caro hidup Abrahapm. Ia'an, sia' inyo kinyo bosunant, apo sia' pocayo samo sama'an Abrahapm pocayo sobolupm io disunant.

Ibrani 7:6

Melkisedek nantai bukainyo koturutan Lewi apo io totap monorima' populuhan doi' Abrahapm. Solaitn nantai, biar pan Abrahapm inyo dionji'i janji doi' Allah, Melkisedek inyo momborokati Abrahapm.

Ibrani 11:7

Obai Nuh pocayo, jadi io monaati Allah. Timpu nantai, Allah monohu'i io mongona'i malopotako inyo tajahan tojadi nononyo inyo bolupm ulih ditiatnyo. Nuh monaati Allah sampai io mombulah porohu bosar inyo monyolamant'an io ongko koluarganyo. Agatn sama'an nantai, dunia dihukupm apo Nuh monjadi bondar di hadapan Allah obai io pocayo.