Roma 4:11 - Porjanjian Boharu Torjomahan Baso Dilakng Soari-ari

¹¹ Sunant nantai ia'an tando inyo mombutian obai io udah monjadi bondar obai io pocayo. Io monjadi bondar di hadapan Allah sobolupm io disunant. Sama'an nian jam, Abrahapm ulih dianggap monjadi angki-bayatn somuo urakng bukai Yahudi inyo pocayo, biar pan sia' kinyo bosunant. Samo sama'an Abrahapm, sia' monjadi bondar obai sia' pocayo.

Roma 4:11 ပူးပေါင်းရင်းမြစ်များ

Matius 16:16

Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Matius 8:11

Dinga'anbo ni'in: Banya' urakng inyo bukainyo urakng Israel paca'an datakng doi' somuo ponjuru dunia. Sia' paca'an dudu' makatn bosamo agatn Abrahapm, Ishak ongko Yakub di dalapm Koraja'an Sorugo.

Lukas 19:9

Ongko Yesus bopandir, “Sari ni'in kolai huatan somuo koluarga kolai disolamant'an obai kolai pan koturutan Abrahapm.

Yohanes 3:33

Apo, somuo urakng inyo pocayo agatn pomandiran-Nyo, sia' moaku'i obai Allah bondar.

Yohanes 3:36

Boko urakng inyo pocayo ko Ana' Allah, mondapat'an kohidupan somanah-manahnyo. Apo boko urakng inyo kinyo monaati Ana' Allah, co mondapat'an kohidupan nantai. Sia' ija' kona' hukupan doi' Allah.”

Yohanes 6:35

Kato Yesus ko sia', “Aku ninam roti inyo moonji'i hidup. Somuo urakng inyo datakng ko aku, co kalo kolaparan agi'. Somuo urakng inyo pocayo ko aku, co kalo korahakan agi'.

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

Yohanes 6:47

Pondinga'an bobondarcam inyo Ku pandiran ni'in: Sotiap urakng inyo pocayo agatn Aku, sia' ado kohidupan inyo somanah-manahnyo.

Yohanes 8:33

Timbas sia', “Koi ni'in koturutan Abrahapm. Koi co kalo monjadi pacal sopo pan! Ubo apo Duatn ulih bopandir obai koi paca'an dibebasan?”

Roma 10:11

Samo sama'an pomandiran ni'in inyo totulis di Buku Suci: “Somuo urakng inyo pocayo ko Sio, kinyo kalo monjadi malu obai sia' pocayo.”

Roma 10:4

Kristus ia'an ponggonapan doi' Hukupm Torat. Jadi, somuo monsio inyo pocayo ko Sio monjadi bondar di pohadapan Allah.

Roma 10:6

Apo mongona'i caro urakng bokomboi'an agatn Allah agatn pocayo ko Allah, Buku Suci momandiran dinga'an ni'in, “Jangan kolai katoan di dalapm hati kolai, ‘Sopo bai inyo paca'an noi' ko Sorugo?’ (rotinyo mombaba' Kristus turutn),

Roma 3:22

Ia'an, urakng monjadi bondar di hadapan Allah agatn caro pocayo ko Yesus Kristus. Caronyo samo pakai' somuo urakng. Dalapm hal nantai, urakng Yahudi kinyo ado bedanyo doi' urakng bukai Yahudi.

Roma 3:26

Apo ni'inan, Allah monunju'an Sio adil obai Sio mohukupm dosa. Yesus inyo monobus hukupan dosa nantai. Allah monunju'an diri-Nyo bondar ongko monunju'an obai urakng inyo pocayo ko Yesus monjadi bondar di hadapan-Nyo.

Roma 3:30

Ongkah ado siku' Allah. Jadi, caronyo monjadi bondar di hadapan-Nyo ia'an caro inyo samo pakai' urakng Yahudi inyo bosunant huatan pakai' urakng bukai Yahudi inyo co bosunant. Caronyo ia'an pocayo ko Yesus.

Roma 4:10

Pikiran cam! Sombilo Abrahapm monjadi bondar, sobolupm io disunant kata'an lopas jadi bosunant? Abrahapm monjadi bondar sobolupm io disunant!

Roma 9:30

Aman ubo nian, la'apo inyo ulih kito padahan? Kito ulih monyimpulan ni'in: Boko urakng bukainyo urakng Yahudi kinyo bousaha monjadi bondar di hadapan Allah. Apo, sia' monjadi bondar obai sia' pocayoagatn Kristus.

Roma 9:33

Samo sama'an pomandiran Allah inyo ditulis di Buku Suci: “Porotiancam! Aku molota'an Batu di Sion. Batu nantai bulah urakng topanjur. Apo urakng inyo pocayo ko Sio, tajahannyo kinyo kalo monjadi malu obai io pocayo.”

Roma 9:6

Banya' urakng Israel kinyo disolamant'an. Apo nantai kinyo bondar obai Allah balakng momonuhi janji-Nyo ko sia'. Obai, kinyo somuo sia' ia'an bondar-bondar urakng Israel inyo dipilih Allah

2 Korintus 1:22

Sio udah monyegel kito monjadi umputn-Nyo huatan moonju' Roh-Nyo di dalapm hati kito. Agatn molabuhan nantai Allah monjamin Sio paca'an moonji'i somuo inyo Sio janjian.

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Galatia 3:29

Obai kaitn nantai umputn Kristus, ongko kaitn monjadi sama'an koturutan Abrahapm. Kaitn monjadi waris inyo paca'an monorima' borokat doi' Allah inyo Allah janjian ko Abrahapm.

Galatia 3:7

Jadi, kaitn gola' mongoroti obai urakng inyo bondar-bondar umant Allah ia'an urakng inyo pocayo ko Allah.

Galatia 5:5

Apo kito pocayo ko Yesus huatan Roh Allah monulukng kito. Aman ubo nian, kito monantian agatn yakitn huatan moharap watunyo Allah moanggap kito bondar.

Galatia 6:16

Aku bodoa oca' Allah moonji'i sonang-asau ko somuo urakng inyo hidup sama'an nantai. Aku bodoa oca' Allah jam monunju'an koboi'an-Nyo ko kito. Kito ninam inyo monjadi umant Allah inyo bondar.

Efesus 1:13

Sama'an nian jam agatn kaitn. Kaitn udah mondinga' Kabar Boi' inyo bondar sampai kaitn pocayo ko Kristus huatan disolamant'an. Molalu'i Sio, Allah moonji'i tando obai kaitn pan monjadi umat-Nyo jam, ia'an Sio moonju' Roh-Nyo ko kaitn jam sosuai agatn janji-Nyo sobolupmnyo.

Efesus 4:30

Jangan mombulah Roh Allah salu'. Obai, Allah udah moonju' Roh-Nyo ko kaitn sobagai tando obai kaitn paca'an di solamat'an watu ahir joman.

Filipi 3:9

ongko oca' aku ulih bosatu agatn Sio. Aku monjadi bondar di hadapan Allah bukainyo obai usaha ku siku' monaati Hukupm Torat. Aku monjadi bondar obai aku pocayo agatn Kristus. Allah inyo molabuhan nantai. Sio mombulah monsio monjadi bondar di hadapan-Nyo aman sia' pocayo.

Ibrani 11:7

Obai Nuh pocayo, jadi io monaati Allah. Timpu nantai, Allah monohu'i io mongona'i malopotako inyo tajahan tojadi nononyo inyo bolupm ulih ditiatnyo. Nuh monaati Allah sampai io mombulah porohu bosar inyo monyolamant'an io ongko koluarganyo. Agatn sama'an nantai, dunia dihukupm apo Nuh monjadi bondar di hadapan Allah obai io pocayo.

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.

Wahyu 9:4

Boko bunta' nantai dirarakng oca' jangan morusa' rumput, tontanaman, huatan boko kayu. Sia' ongkah ulih monyakiti boko urakng inyo conyiant tando Allah di koning.