Roma 3:6 - Porjanjian Boharu Torjomahan Baso Dilakng Soari-ari

⁶ Samo sokali cado! Soandainyo Allah kinyo adil, nononyo co mungkitn Sio ulih mohakipi boko urakng di dunia ni'in?

Roma 3:6 ပူးပေါင်းရင်းမြစ်များ

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Roma 2:16

Nononyo hal nantai monjadi kotiat'an. Ia'an, timpu Allah molalu'i Kristus Yesus pakai' mohakipi somuo hal inyo tosimpatn dalapm hati monsio. Nantai sosuai agatn Kabar Boi' inyo aku boritoan.

Lukas 20:16

Pasti io paca'an datakng ongko mombunuh sia'. Lopas nian io tajahan mompocayoan kobutn anggur nantai ko boko urakng bukai.” Mondingaꞌ nantai sia' bopandir, “Jangan sampai hal nantai tojadi!”

Roma 3:4

Samo sokali cado! Biar pan somuo urakng tumbukan, Allah hala bondar. Nantai samo sama'an inyo totulis dalapm Buku Suci: “Somuo pomandiran Duatn pasti bondar! Soandainyo, Duatn ulih diadili dalapm pongadilan, pasti Duatn inyo monang.”

Roma 3:31

Aman kito monjadi bondar obai kito pocayo, apobai nantai boroti kito bopikir obai Hukupm Torat kinyo ado gunonyo? Samo sokali cado! Sobali'nyo justru obai kito pocayo, jadi kito monuruti la'apo inyo Allah masud agatn moonju' Hukupm Torat.