Roma 3:5 - Porjanjian Boharu Torjomahan Baso Dilakng Soari-ari

⁵ Apo sama'an apo aman ado urakng inyo monggunoan pomikiran monsio, ongko bopandir sama'an ni'in, “Timpu kito jahat, hal nantai monunju'an obai Allah bondar. Jadi, aman Allah mohukupm kito, rotinyo Allah kinyo adil, pan?”

Roma 3:5 ပူးပေါင်းရင်းမြစ်များ

Roma 12:19

Boko somadikan inyo ku kasihi! Jangan kaitn siku' mombalas dondapm. Apo biar Allah inyo mohukupm boko urakng bukai. Obai ado inyo totulis dalapm Buku Suci: “Tuhatn bopandir, ‘Bayo Aku mo inyo bohak mombalas. Aku tajahan mohukupm sia'!’ ”

Roma 2:5

Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

Roma 3:19

Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.

Roma 3:7

Apo sama'an apo aman aku kinyo hidup agatn caro inyo bondar, ongko hal nantai mombulah kotakan jolas obai Allah bondar, sampai Allah dimuliaan? Mapo Allah ija' ulih monyalahan aku obai dosaku?

Roma 4:1

Jadi, apo inyo ulih kito pandiran mongona'i Abrahapm, angki-bayatn kito? Sama'an apo caronyo io monjadi bondar di hadapan Allah?

Roma 5:8

Apo, Allah monunju'an kasih-Nyo ko kito agatn caro ni'in: Timpu kito ija' urakng bodosa, Kristus mati pakai' kito.

Roma 6:1

Aman sama'an nian, apo inyo ulih kito pandiran? Apobai kito ulih hala mombulah dosa oca' Allah mongkitn monunju'an koboi'an-Nyo ko kito?

Roma 6:19

(Aku tohu kaitn ija' manah mongoroti boko hal rohani. Jadi, aku momakai contoh ni'in mongona'i hulutn oca' kaitn lobih mudah mongoroti.) Komai kaitn monyorahan diri kaitn monjadi hulutn dosa. Boko anggota bukakng kaitn digunoan pakai' bulah boko hal inyo kotor huatan jahat. Apo watu ni'in kaitn gola' monyorahan diri kaitn monjadi hulutn Allah oca' boko anggota bukakng-tubuh kaitn ulih digunoan pakai' bulah boko hal inyo bondar huatan borosih doi' dosa.

Roma 7:7

Aman sama'an nian, apo inyo ulih kito pandiran? Apobai Hukupm Torat nantai jahat? Samo sokali cado! Sobali'nyo, justru Hukupm Torat mongajar aku mongona'i dosa. Contohnyo: Ado porintah ni'in dalapm Hukupm Torat: “Jangan mohonda'i umputn urakng bukai!” Doi' nantai, aku tohu kohonda' sama'an nantai ia'an dosa.

Roma 8:31

Aman kito bopikir mongona'i somuonyo nantai, la'apo inyo ulih kito pandiran? Aman Allah di pihak kito, conyiant ado la'apo pan inyo ulih mongalahan kito!

Roma 9:30

Aman ubo nian, la'apo inyo ulih kito padahan? Kito ulih monyimpulan ni'in: Boko urakng bukainyo urakng Yahudi kinyo bousaha monjadi bondar di hadapan Allah. Apo, sia' monjadi bondar obai sia' pocayoagatn Kristus.

1 Korintus 15:32

Di kota Efesus, aku bojuakng molawatn boko urakng inyo kotakng ganas. Sia' samo sama'an bonatakng ganas. Doi' pondapat monsio, pasti co nyiant untukng pakai' aku aman molabuhan nantai. Aman Allah co paca'an bulah urakng mati dihidupan agi' doi' komatian, ongko lobih boi' kito moikuti pomandiran ni'in: “Hobu'-luso kito paca'an mati. Jadi, lobih boi' kito makatn, minum huatan bosonang-sonang.”

1 Korintus 9:8

Aku momandiran boko hal nantai kinyo bayo obai mansu' akal pakai' somuo monsio. Apo buku Hukupm Torat pan momandiran mongona'i nantai.

2 Korintus 6:4

Apo, dalapm somuo la'apo pan inyo koi pulah, koi monunju'an obai koi ninam boko urakng inyo molayati Allah. Ia'an nantai, koi hala sabar mohadapi bomacapm pondorita'an.

2 Korintus 7:11

Tiatbo somuo hasil doi' porasa'an salu' nantai inyo sosuai agatn kohonda' Allah! Watu ni'in kaitn lobih bobondar monuruti Tuhatn. Kaitn bousaha oca' kosalahan kaitn nantai disolosaian. Kaitn godi agatn dosa huatan lobih gola' agatn Allah. Kaitn rindu agatn aku. Kaitn lobih bosomangant bulah koboi'an. Kaitn mohukupm urakng inyo bosalah. Jadi, lopas jadi monorima' suratku nantai, kaitn mombutian obai kaitn mourus boko mosalah nantai agatn caro inyo bondar.

Galatia 2:18

Aku udah moruntuhan ajaran obai dosa urakng diamputi aman io monaati Hukupm Torat. Nah, aman aku monumpakng boko caro sama'an nantai agi' hoyu' aku bondar-bondar monjadi urakng bodosa.

Galatia 3:15

Boko somadikan, aku moonji'i contoh inyo opat dialapi monsio. Umpamonyo, ado duo urakng inyo bulah sobuah porjanjian. Lopas jadi porjanjian nantai disahan, co nyiant siku' urakng pan inyo dapat mombalakan porjanjian nantai. Co nyiant siku' urakng pan inyo ulih monambahan sosuatu ko dalapm porjanjian nantai. Biar pan porjanjian nantai bayo di antaro monsio, porjanjian nantai kinyo ulih borubah.

Wahyu 15:3

Sia' monyanyian nyanyian Musa, hulutn Allah, huatan nyanyian Ana' Domba, ubo ni'in bunyinyo: “Tuhatn Allah Inyo Maho Kuaso! Boko porbuatan Duatn kotakan hebat huatan mohiratan. Duatam Rajo di pucu' boko banso. Boko porbuatan Duatn adil huatan bondar.

Wahyu 18:20

(Ui kaitn somuo di sorugo! Sonang-nyamancam! Ui kaitn boko urakng kudus, boko rasul, huatan boko nabi! Sonang-nyamancam! Obai, Allah udah mohukupm kota nantai sosuai agatn porbuatannyo inyo jahat agatn kaitn).