Roma 3:4 - Porjanjian Boharu Torjomahan Baso Dilakng Soari-ari

⁴ Samo sokali cado! Biar pan somuo urakng tumbukan, Allah hala bondar. Nantai samo sama'an inyo totulis dalapm Buku Suci: “Somuo pomandiran Duatn pasti bondar! Soandainyo, Duatn ulih diadili dalapm pongadilan, pasti Duatn inyo monang.”

Roma 3:4 ပူးပေါင်းရင်းမြစ်များ

Matius 11:19

Lopas nian Ana' Monsio datakng. Sio makatn, Sio minum, apo sia' bopandir Sio urakng kaha', pomabu', ‘Kawal ponagih pajak huatan urakng bukai inyo bodosa.’ Apo sia' salah obai porbuatan urakng mombutian aman urakng nantai bondar-bondar bisi kopintar-corodi'an doi' Allah kata'an cado.”

Lukas 20:16

Pasti io paca'an datakng ongko mombunuh sia'. Lopas nian io tajahan mompocayoan kobutn anggur nantai ko boko urakng bukai.” Mondingaꞌ nantai sia' bopandir, “Jangan sampai hal nantai tojadi!”

Yohanes 3:33

Apo, somuo urakng inyo pocayo agatn pomandiran-Nyo, sia' moaku'i obai Allah bondar.

Roma 11:1

Aku botakutn: Kata'an Allah udah monula' umant-Nyo urakng Israel bai? Samo sokali cado! Obai aku urakng Israel huatan Allah kinyo monula' ku. Aku doi' koturutan Abrahapm, doi' suku Benyamin.

Roma 11:11

Jadi, banya' urakng Yahudi monjadi jouh doi' Allah. Apo aku botakutn: Apo bai nantai tojadi oca' sia' co mungkitn bobali' ko Allah? Samo sokali cado! Obai sia' bodosa monula' Yesus, jadi boko banso bukainyo dionji'i kosompatan pakai' monorima' Yesus ongko monjadi solamant. Nantai tojadi oca' urakng Yahudi monjadi hiri, honda' diborokati jam samo sama'an boko banso bukai nantai jam.

Roma 3:31

Aman kito monjadi bondar obai kito pocayo, apobai nantai boroti kito bopikir obai Hukupm Torat kinyo ado gunonyo? Samo sokali cado! Sobali'nyo justru obai kito pocayo, jadi kito monuruti la'apo inyo Allah masud agatn moonju' Hukupm Torat.

Roma 6:15

Jadi sama'an apo? Aku momandiran obai kito co hidup dibabah kuaso Hukupm Torat, apo kito hidup dibabah kuaso Allah inyo torus-monorus monunju'an koboi'an-Nyo ko kito. Apobai nantai boroti kito suba' mo mombulah dosa? Samo sokali cado!

Roma 6:2

Samo sokali cado! Kito udah moninggalan caro hidup inyo manah, samo sama'an kito mati tohadap dosa. Jadi, jangannam kito ija' hidup agatn hala mombulah dosa!

Roma 7:13

Aman sama'an nian, apobai porintah inyo boi' nantai mombulah aku gola' dihukupm mati topisah doi' Allah? Samo sokali cado! Kuaso dosa inyo molabuhan nantai! Kuaso dosa monggunoan porintah inyo boi' pakai' mombulah aku gola' dihukupm mati topisah doi' Allah. Nantai tojadi oca' jolas apo nantai dosa. Porintah inyo boi' digunoan oca' lobih jolas agi' dosa memang kotakan jahat.

Roma 7:7

Aman sama'an nian, apo inyo ulih kito pandiran? Apobai Hukupm Torat nantai jahat? Samo sokali cado! Sobali'nyo, justru Hukupm Torat mongajar aku mongona'i dosa. Contohnyo: Ado porintah ni'in dalapm Hukupm Torat: “Jangan mohonda'i umputn urakng bukai!” Doi' nantai, aku tohu kohonda' sama'an nantai ia'an dosa.

Roma 9:14

Aman ubo nian, la'apo inyo ulih kito padahan? Kata'an Allah kinyo adil bai? Pasti Allah adil!

1 Korintus 6:15

Co tohu bai kaitn aman bukakng-tubuh kito siku'-monyiku' samo sama'an anggota bukakng-tubuh Kristus. Obai kito anggota bukakng-tubuh Kristus, jadi kito culih monyorahan bukakng-tubuh kito ko lahukng!

2 Korintus 1:18

Demi Allah inyo sotia momonuhi janji-Nyo, pomandiran koi ko kaitn co gangga'-gua'an di antaro ‘Au’ ongko ‘Cado’.

Galatia 2:17

Koi pocayo koi dipohitukan bondar di hadapan Allah obai koi pocayo ko Kristus. Apo aman udah molabuhan nantai, koi dianggap ‘urakng bodosa’ sama'an urakng bukainyo Yahudi. Apobai nantai boroti Kristus bulah koi bodosa? Pasti cado!

Galatia 2:21

Aku co paca'an kalo monula' koboi'an doi' Allah nantai inyo sobondarnyo kito kinyo cucu' monorima'nyo! Kito kinyo ulih dipohitukan bondar dihadapan Allah aman kito bousaha monaati somuo porintah huatan poraturan Allah dalapm Hukupm Torat. Ongkonyo kito ulih dipohitukan bondar agatn caro nantai, boroti Kristus mati kinyo ado rotinyo.

Galatia 6:14

Apo aku kinyo buhau agatn porbuatan la'apo pan inyo aku labuhan. Aku bayo sonang agatn porbuatan Yesus Kristus. Sio mati di kayu salib pakai' mombuka' jalatn oca' urakng ulih disolamant'an. Sio nantai Tuhatn kito, ia'an kito inyo pocayo ko Sio. Obai nantai, ubonyo aku pan disaliban tohadap somuo hal inyo duniawi. Aku kinyo morogo'i boko hal inyo dirogo'i boko urakng inyo ado di dunia ni'in. Boko urakng inyo ado di dunia ni'in pan kinyo morogo'i boko hal inyo aku rogo'i.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

Ibrani 6:18

Watu Allah moucap'an janji-Nyo ongko sumpah-Nyo, co mungkitn Sio tumbukan. Koduo hal nantai kinyo ulih borubah. Obai nantai, kito inyo datakng ko Sio oca' dilinduki, hati kito monjadi kotakng kuat pakai' boharap obai nononyo kito paca'an monorima' borokat inyo dijanjian Allah ko kito.

1 Yohanes 5:10

Urakng inyo pocayo ko Ana' Allah, boroti io pocayo agatn kosasian Allah nantai dalapm hatinyo. Apo urakng inyo co pocayo agatn kosasian nantai, boroti io moanggap Allah bulah kotumbukan. Obai, io kinyo pocayo agatn kosasian Allah mongona'i Ana'-Nyo.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.