Roma 3:30 - Porjanjian Boharu Torjomahan Baso Dilakng Soari-ari

³⁰ Ongkah ado siku' Allah. Jadi, caronyo monjadi bondar di hadapan-Nyo ia'an caro inyo samo pakai' urakng Yahudi inyo bosunant huatan pakai' urakng bukai Yahudi inyo co bosunant. Caronyo ia'an pocayo ko Yesus.

Roma 3:30 ပူးပေါင်းရင်းမြစ်များ

Galatia 3:8

Doi' komai, Allah ado hajat pakai' urakng bukainyo Yahudi. Aman sia' pocayo, jadi sia' dianggap bondar di hadapan Allah. Allah momboritoan Kabar Boi' nantai ko Abrahapm jouh-jouh ari sobolupmnyo. Kabar Boi' nantai totulis dalapm Buku Suci:, “Somuo banso paca'an diborokati molalu'i kolai.”

Galatia 3:20

Siku' urakng porontaro momontikan lobih doi' sopihak, apo Allah totap siku' mo.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

Galatia 6:15

Disunant kata'an co bosunant nantai co nyiant bedanyo. Inyo pontikng ia'an kito hidup agatn caro inyo boharu.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Galatia 3:28

Kaitn somuo monjadi satu dalapm Kristus Yesus. Allah kinyo monyongkayoan antaro urakng Yahudi damo urakng bukainyo Yahudi; antaro hulutn damo urakng bebas; antaro lolaki damo botina'.

Roma 3:28

Koi yakitn obai monsio monjadi bondar di hadapan Allah bukainyo obai io monaati Hukupm Torat, apo obai io pocayo ko Yesus Kristus.

Roma 2:26

Sama'an nian jam, aman ado urakng inyo kinyo disunant, apo io monaati Hukupm Torat, jadi Allah paca'an monorima' io samo sama'an urakng inyo disunant.

Roma 2:27

Ado boko urakng inyo monaati Hukupm Torat, biar pan sia' kinyo disunant. Sia' paca'an mohakipi kaitn urakng Yahudi inyo disunant, ia'an kaitn inyo mondapat Hukupm Torat inyo totulis, apo kinyo monaatinyo.

Roma 3:22

Ia'an, urakng monjadi bondar di hadapan Allah agatn caro pocayo ko Yesus Kristus. Caronyo samo pakai' somuo urakng. Dalapm hal nantai, urakng Yahudi kinyo ado bedanyo doi' urakng bukai Yahudi.

Roma 4:9

Apobai pomandiran Daud nantai boroti ongkah urakng Yahudi inyo bosunant mondapat borokat nantai? Samo sokali cado! Urakng bukai Yahudi inyo kinyo bosunant mondapat borokat nantai jam! Obai, udah koi pandiran Abrahapm monjadi bondar obai io pocayo.

Roma 4:16

Obai nantai am kobondaran bodasaran kopocaya'an oca' morupoan poonju' inyo cuma-cuma doi' Allah, sampai janji nantai bolaku pakai' somuo koturutan Abrahapm, bukainyo bayo pakai' sia' inyo hidup doi' hukupm Torat, apo jam pakai' sia' inyo hidup doi' iman Abrahapm. Obai Abrahapm ia'an bopai kito somuo,

1 Timotius 2:5

Obai, bayo siku' Allah inyo bondar. Bayo siku' Porontaro antaro Allah agatn somuo monsio, ia'an Kristus Yesus.