Roma 3:27 - Porjanjian Boharu Torjomahan Baso Dilakng Soari-ari

²⁷ Aman sama'an nian, apobai monsio ulih moninggian diri obai io monjadi bondar di hadapan Allah obai porbuatannyo siku'? Samo sokali cado! Sobab, nantai tojadi bukai obai porbuatannyo siku', apo obai io pocayo ko Yesus.

Roma 3:27 ပူးပေါင်းရင်းမြစ်များ

Roma 2:23

Kaitn bangga obai kaitn mondapat Hukupm Torat. Apo kaitn siku' mohayam Allah agatn molanggar Hukupm Torat nantai!

Roma 4:2

Soandainyo Abrahapm monjadi bondar obai porbuatannyo, jadi io ado alasan pakai' moninggian diri. Apo sobondarnyo, conyiant alasan pakai' Abrahapm moninggian diri di hadapan Allah.

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Roma 2:17

Sama'an apo agatn kaitn? Kaitn bangga monyobut diri kaitn urakng Yahudi. Kaitn bopikir kaitn paca'an disolamant'an obai kaitn mondapat Hukupm Torat. Kaitn momuji diri obai kaitn banso inyo dipilih Allah.

Roma 7:21

Kosimpulannyo, ado kobiasa'an ni'in inyo tojadi dalapm hidupku: Aku honda' bulah koboi'an, apo justru kojahatan inyo aku pulah.

Galatia 2:16

Sokomai koi bopikir sama'an nantai jam. Apo ni'in koi udah mongotohu'i obai co nyiant urakng dipohitukan bondar di hadapan Allah obai sia' monaati Hukupm Torat. Urakng dipohitukan bondar di hadapan Allah bayo obai sia' pocayo agatn Yesus. Nanam alasan koi udah pocayo agatn Kristus Yesus. Koi dipohitukan bondar di hadapan Allah obai koi pocayo agatn Kristus, bukainyo obai koi monaati Hukupm Torat. Hal nantai udah totulis dalapm Buku Suci, “Jadi co nyiant siku' urakng pan inyo dipohitukan bondar dihadapan Allah” agatn caro monaati Hukupm Torat.

1 Korintus 4:7

Co nyiant urakng di antaro kaitn inyo lobih pontikng daripado urakng bukai. Somuo inyo umputn kaitn dionju' Allah. Jadi jangan kaitn buhau ubonyo pongulihan kaitn siku' mo bukainyo doi' Tuhatn.

Roma 11:6

bukainyo obai sia' bulah koboi'an. Soandainyo, Allah momilih monsio obai sia' bulah koboi'an, jadi nantai boroti Allah kinyo bondar-bondar monunju'an koboi'an-Nyo.

Roma 10:5

Musa monulis mongona'i monjadi bondar agatn caro monuruti Hukupm Torat. Katonyo, “Boko urakng inyo monopat'i Hukupm Torat tajahan hidup obai Hukupm nantai.”

Roma 9:32

Hibo? Obai sia' kinyo pocayo agatn Yesus apo bousaha monjadi bondar agatn porbuatan boi' sia'. Yesus samo sama'an batu inyo bulah sia' topanjur.

Roma 9:11

Allah bopandir ko Ribka, “Ana' inyo kojula'an tajahan monjadi hulutn ana' inyo kobunsuan.” Allah momilih Yakub sobolupm koduo bobia' nantai dilahiran, sobolupm sia' molabuhan lapopan inyo boi' damo inyo jahat. Allah molabuhan nantai oca' jolas obai Sio momilih urakng bukai sosuai agatn porbuatan sia', apo sosuai agatn kohonda' Sio siku'.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

Roma 7:23

Biar pan aku bopikir somuo hukupm nantai boi', aku kinyo mampu molabuhannyo, obai ado hukupm bukai dalapm diriku inyo molawatn poraturan Allah nantai, ia'an kuaso dosa. Kuaso dosa bokorojo dalapm boko anggota bukakngku sampai aku monjadi hulutn dosa.

Roma 3:19

Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.

Yohanes 3:36

Boko urakng inyo pocayo ko Ana' Allah, mondapat'an kohidupan somanah-manahnyo. Apo boko urakng inyo kinyo monaati Ana' Allah, co mondapat'an kohidupan nantai. Sia' ija' kona' hukupan doi' Allah.”

Markus 16:16

Boko urakng inyo kinyo pocayo paca'an di hukupm. Apo, boko urakng inyo pocayo huatan dibaptis paca'an disolamant'an.

Roma 3:26

Apo ni'inan, Allah monunju'an Sio adil obai Sio mohukupm dosa. Yesus inyo monobus hukupan dosa nantai. Allah monunju'an diri-Nyo bondar ongko monunju'an obai urakng inyo pocayo ko Yesus monjadi bondar di hadapan-Nyo.

Roma 9:31

Apo, boko urakng Israel bousaha monaati Hukupm Torat pakai' monjadi bondar di pohadapan Allah. Apo nantai kinyo bohasil.