Roma 3:26 - Porjanjian Boharu Torjomahan Baso Dilakng Soari-ari

²⁶ Apo ni'inan, Allah monunju'an Sio adil obai Sio mohukupm dosa. Yesus inyo monobus hukupan dosa nantai. Allah monunju'an diri-Nyo bondar ongko monunju'an obai urakng inyo pocayo ko Yesus monjadi bondar di hadapan-Nyo.

Roma 3:26 ပူးပေါင်းရင်းမြစ်များ

Lukas 1:80

Ana' Zakharia nantai mongkitn bosaram rohnyo pan mongkitn kuat. Io bodiapm di padakng pasir inyo langunt sampai io mula'i monyampaian borito ko banso Israel.

Roma 3:25

Sio mombayar agatn darah-Nyo siku' timpu Sio mati di kayu salib. Sio monjadi kurbatn oca' dosa urakng ulih diamputi, ia'an aman sia' pocayo ko Sio. Allah monyorahan Yesus sama'an nantai pakai' monunju'an obai Sio adil huatan mohukupm dosa. Komai, Allah sabar agatn monsio. Sio bolupm mohukupm somuo dosa sia'.

Roma 3:27

Aman sama'an nian, apobai monsio ulih moninggian diri obai io monjadi bondar di hadapan Allah obai porbuatannyo siku'? Samo sokali cado! Sobab, nantai tojadi bukai obai porbuatannyo siku', apo obai io pocayo ko Yesus.

Roma 3:30

Ongkah ado siku' Allah. Jadi, caronyo monjadi bondar di hadapan-Nyo ia'an caro inyo samo pakai' urakng Yahudi inyo bosunant huatan pakai' urakng bukai Yahudi inyo co bosunant. Caronyo ia'an pocayo ko Yesus.

Roma 4:5

Apo nantai bukai caronyo Allah mombulah urakng inyo bodosa monjadi bondar di hadapan-Nyo. Monjadi bondar bukainyo sama'an upah apo sama'an hadiah. Sobab, Allah mombulah urakng monjadi bondar bukai obai porbuatannyo apo obai io pocayo.

Roma 8:33

Kito umant pilihan Allah inyo udah Sio pulah monjadi bondar di hadapan-Nyo. Jadi, conyiant ado urakng inyo ulih monyalahan kito.

Wahyu 15:3

Sia' monyanyian nyanyian Musa, hulutn Allah, huatan nyanyian Ana' Domba, ubo ni'in bunyinyo: “Tuhatn Allah Inyo Maho Kuaso! Boko porbuatan Duatn kotakan hebat huatan mohiratan. Duatam Rajo di pucu' boko banso. Boko porbuatan Duatn adil huatan bondar.