Roma 3:25 - Porjanjian Boharu Torjomahan Baso Dilakng Soari-ari

²⁵ Sio mombayar agatn darah-Nyo siku' timpu Sio mati di kayu salib. Sio monjadi kurbatn oca' dosa urakng ulih diamputi, ia'an aman sia' pocayo ko Sio. Allah monyorahan Yesus sama'an nantai pakai' monunju'an obai Sio adil huatan mohukupm dosa. Komai, Allah sabar agatn monsio. Sio bolupm mohukupm somuo dosa sia'.

Roma 3:25 ပူးပေါင်းရင်းမြစ်များ

Yohanes 6:47

Pondinga'an bobondarcam inyo Ku pandiran ni'in: Sotiap urakng inyo pocayo agatn Aku, sia' ado kohidupan inyo somanah-manahnyo.

Kisah Boko Rasul 14:16

Di joman komai, Allah mombiaran somuo banso monuruti kohonda' hati siku'.

Kisah Boko Rasul 15:18

Tangga'i joman komai, Aku udah momadahan somuonyo ni'in.”

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Kisah Boko Rasul 3:18

Apo agatn caro nantai, Allah monopat'i pomandiran-Nyo inyo udah disampaian ko boko nabi watu joman komai. Boko nabi nantai udah monulis obai Rajo Inyo Dijanjian Allah nantai gola' ajab sonsaro sampai mati.

Kisah Boko Rasul 4:28

Apo Duatn Maho Kuaso inyo moatur somuonyo doi' joman komai. Somuonyo nantai udah tojadi obai sosuai agatn kohonda' Duatn.

Roma 2:4

Allah kotakan boi' huatan sabar ko kaitn. Sio kinyo lansukng mohukupm kaitn. Jangan moanggap koboi'an-Nyo nantai kinyo borogo? Kaitn gola' mongoroti obai Allah monunju'an koboi'an-Nyo ko kaitn obai Sio honda' oca' kaitn moninggalan boko dosa kaitn.

Roma 3:26

Apo ni'inan, Allah monunju'an Sio adil obai Sio mohukupm dosa. Yesus inyo monobus hukupan dosa nantai. Allah monunju'an diri-Nyo bondar ongko monunju'an obai urakng inyo pocayo ko Yesus monjadi bondar di hadapan-Nyo.

Roma 5:1

Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

Roma 5:11

Bukainyo ongkah nantai saja'! Kito pan sonang-nyamanam obai koboi'an Allah, ia'an watu ni'in kito bobali' bohubukan boi' agatn Sio obai porbuatan Yesus Kristus, Tuhatn kito.

Roma 5:18

Jadi, sobuti' dosa ulih Adapm mombulah somuo urakng monjadi salah di hadapan Allah. Sama'an nian jam, sobuti' porbuatan bondar ulih Yesus mombulah somuo urakng monjadi bondar di hadapan Allah, sampai sia' mondapat kohidupan inyo sobondarnyo.

Roma 5:9

Ni'inan kito udah dibondaran molalu'i komatian Kristus; obai nantai am kito pasti paca'an disolamant'an jam doi' ponggodi Allah molalu'i Kristus.

1 Korintus 5:7

Jadi, kaitn gola' monundukng urakng inyo bodosa nian oca' dosa dijouhan doi' kaitn, obai udah soharusnyo dosa kinyo ado agi' di antaro kaitn. Sobab, Kristus udah monjadi sama'an domba inyo disombolih pado Ari Rayo Paskah.

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Efesus 1:7

Watu Ana'-Nyo mati di kayu salib, Sio mombayar agatn darah-Nyo pakai' mombebasan kito doi' hukupan dosa. Jadi, molalu'i Ana'-Nyo, Allah moamputi dosa kito. Allah molabuhan somuonyo nantai obai kasih karunia-Nyo inyo kotakng bosar.

Efesus 2:13

Apo watu ni'in kaitn kinyo sama'an nian agi' am obai kaitn di dalapm Kristus Yesus. Komai kaitn jouh doi' Allah apo watu ni'in kaitn monjadi dampikng obai darah Kristus.

1 Timotius 1:15

Pomandiran ni'in memang bondar huatan gola' dipocayo bobondar: Kristus Yesus udah datakng ko dunia ni'in pakai' monyolamant'an boko urakng bodosa. Di antaro boko urakng bodosa, aku ninam inyo kotakng jahat.

Ibrani 10:4

Obai, darah sapi sabukan agatn darah kambikng sabukan co mungkitn mohapus dosa.

Ibrani 11:14

Boko urakng inyo moaku'i nantai monunju'an sia' tongahan moncari'i nogori inyo tajahan monjadi umputn sia'.

Ibrani 11:17

Obai Abrahapm pocayo, jadi io taat watu Allah mouji io. Io rela momposombahan Ishak, ana'nyo inyo tunggal. Padohal, Allah udah bojanji ko Abrahapm.

Ibrani 11:7

Obai Nuh pocayo, jadi io monaati Allah. Timpu nantai, Allah monohu'i io mongona'i malopotako inyo tajahan tojadi nononyo inyo bolupm ulih ditiatnyo. Nuh monaati Allah sampai io mombulah porohu bosar inyo monyolamant'an io ongko koluarganyo. Agatn sama'an nantai, dunia dihukupm apo Nuh monjadi bondar di hadapan Allah obai io pocayo.

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

Ibrani 9:5

Ponutup Poti nantai disobut Tompat Dosa Diamputi. Di pucu' ponutup Poti nantai, ado duo kerub, ia'an mahluk bosayap inyo molambakan komulia'anAllah ongko sayap sia' tobuka' monungkau'i Tompat Dosa Diamputi nantai. Apo somuonyo nantai kinyo dijolasan sobuti' nyombuti' watu ni'in.

1 Yohanes 1:10

Jadi, aman kito bopandir obai kito cokalo bulah dosa, boroti kito moanggap Allah bulah kotumbukan. Huatan kito co monorima' Pomandiran Allah dalapm hati kito.

1 Yohanes 2:2

Yesus mati oca' boko dosa kito diamputi. Bukainyo bayo pakai' dosa kito ja'am, apo pakai' dosa somuo urakng di dunia ni'in.

1 Yohanes 4:10

Ninam kasih nantai, bukainyo kito inyo udah mongasihi Allah, apo Allah inyo udah mongasihi kito: Sio moutus Ana'-Nyo pakai' mati oca' kito dapat dibebasan doi' hukupan dosa.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.