Roma 3:20 - Porjanjian Boharu Torjomahan Baso Dilakng Soari-ari

²⁰ Kinyo ado urakng inyo ulih monjadi bondar di hadapan Allah agatn caro monaati Hukupm Torat. Justru Hukupm Torat inyo mombulah urakng sadar obai sia' bodosa obai sia' kinyo ulih monaati soluruh Hukupm Torat nantai.

Roma 3:20 ပူးပေါင်းရင်းမြစ်များ

Galatia 2:16

Sokomai koi bopikir sama'an nantai jam. Apo ni'in koi udah mongotohu'i obai co nyiant urakng dipohitukan bondar di hadapan Allah obai sia' monaati Hukupm Torat. Urakng dipohitukan bondar di hadapan Allah bayo obai sia' pocayo agatn Yesus. Nanam alasan koi udah pocayo agatn Kristus Yesus. Koi dipohitukan bondar di hadapan Allah obai koi pocayo agatn Kristus, bukainyo obai koi monaati Hukupm Torat. Hal nantai udah totulis dalapm Buku Suci, “Jadi co nyiant siku' urakng pan inyo dipohitukan bondar dihadapan Allah” agatn caro monaati Hukupm Torat.

Kisah Boko Rasul 13:39

Jadi, somuo urakng inyo pocayo agatn Yesus, dipohitukan bondar di hadapan Allah.

Roma 3:28

Koi yakitn obai monsio monjadi bondar di hadapan Allah bukainyo obai io monaati Hukupm Torat, apo obai io pocayo ko Yesus Kristus.

Galatia 2:19

Hukupm nantaiam bulah aku sadar aku co ulih disolamant'an agatn caro nantai. Ni'in, aku udah dibebasan doi' monaati Hukupm Torat nantai oca' aku ulih hidup monyonangan hati Allah. Watu Kristus mati di kayu salib ubo nian jam aku pan mati.

Roma 4:15

Hukupm Torat mondatakan hukupan Allah. Apo aman hukupm nantai conyiant, jadi polanggaran pan conyiant jam.

Roma 9:32

Hibo? Obai sia' kinyo pocayo agatn Yesus apo bousaha monjadi bondar agatn porbuatan boi' sia'. Yesus samo sama'an batu inyo bulah sia' topanjur.

Roma 5:20

Jadi, dosa udah ado, lopas nian Hukupm Torat koluar. Akibatnyo, ado somongkitn banya' dosa. Biar pan dosa urakng botambah banya', lobih banya' agi' koboi'an inyo Allah onju' ko sia'.

Roma 4:13

Allah bojanji pakai' moonju' dunia ko Abrahapm huatan koturutannyo. Allah mombulah janji nantai bukai obai Abrahapm monaati Hukupm Torat, apo obai Abrahapm pocayo huatan monjadi bondar di hadapan-Nyo.

Galatia 5:4

Aman kaitn bousaha bulah diri kaitn monjadi bondar di hadapan Allah agatn caro monaati Hukupm Torat, rotinyo kaitn momotusan hubukan agatn Kristus. Agatn ubo nian kaitn monula' koboi'an Allah.

Roma 5:13

Boko urakng di dunia udah bulah dosa sobolupm Hukupm Torat. Obai bolupm ado Hukupm Torat, jadi dosa nantai kinyo dianggap samo agatn kosalahan molanggar porintah Allah.

Roma 2:13

Apo urakng monjadi bondar di hadapan Allah bukai obai mondinga' Hukupm Torat, apo obai monaati Hukupm Torat nantai.

Roma 7:11

Obai, pas-udah aku tohu porintah nantai, kuaso dosa monguti' kosompatan nantai pakai' monipu hati aku. Daripado mondapat'an hidup, aku gola' dihukupm mati topisah doi' Allah.

1 Korintus 15:56

Komatian monjonti' agatn monggunoan dosa. Dosa jadi bokuaso molalu'i Hukupm Torat.

Ibrani 7:19

Hukupm Torat nantai kinyo ulih mombulah siku' monsio pan monjadi sompurna di hadapan Allah. Apo watu ni'in, molalu'i Yesus, kito dionji'i harapan inyo lobih boi'. Agatn sama'an nantai, kito ulih datakng dampikng ko Allah.