Roma 3:19 - Porjanjian Boharu Torjomahan Baso Dilakng Soari-ari

¹⁹ Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.

Roma 3:19 ပူးပေါင်းရင်းမြစ်များ

Yohanes 15:25

Apo nantai tojadi oca' pomandiran ni'in monjadi nyata. Pomandiran ni'in ditulis dalapm Hukupm Torat sia', ia'an ‘sia' bonci'an Aku conyiant ado alasannyo.’

Yohanes 8:9

Lopas sia' mondinga' pomandiran Yesus nantai, sia' botula' doi' siatn nantai, siku'-monyiku', mula'i doi' inyo totuho. Ahirnyo, ija' Yesus agatn botina' nantai cam inyo tinggal di santai.

Roma 1:20

Ia'an obai Sio Allah huatan Sio bokuaso pakai' somanah-manahnyo. Boko sipat-Nyo nantai kinyo ulih ditiat agatn mato, apo tangga'i dunia ni'in dipulah, monsio ulih momahami nantai molalu'i la'apo pan inyo Sio pulah. Jadi, monsio conyiant alasan pakai' co mongonal boko sipat Allah nantai.

Roma 3:2

Memang urakng Yahudi ado banya' untukng dalapm somuo hal. Inyo kotakng pontikng obai pomandiran Allah dipocayoan ko urakng Yahudi.

Roma 3:23

Obai, somuo urakng udah bodosa ongko udah kohilakan komulia'an Allah.

Roma 3:4

Samo sokali cado! Biar pan somuo urakng tumbukan, Allah hala bondar. Nantai samo sama'an inyo totulis dalapm Buku Suci: “Somuo pomandiran Duatn pasti bondar! Soandainyo, Duatn ulih diadili dalapm pongadilan, pasti Duatn inyo monang.”

Roma 3:9

Jadi, sama'an apo kosimpulannyo? Apobai kito urakng Yahudi lobih boi' di hadapan Allah daripado urakng bukai? Samo sokali cado! Koi udah monjolasan obai somuo urakng dikuaso'i ulih dosa, boi' urakng Yahudi honda' pan urakng bukai Yahudi.

1 Korintus 1:29

Tujuan Sio oca' urakng kinyo ulih buhau dihadapan Allah.

Galatia 3:10

Apo sotiap urakng inyo bayo bousaha monaati Hukupm Torat, komungkitan paca'an kona' tulah, obai mungkitn sia' co ulih hala monaati somuo porintah huatan poraturan Allah nantai. Obai ado totulis dalapm Buku Suci: “Allah paca'an mohukupm boko urakng inyo kinyo hala sotia monaati somuo Hukupm Torat.”

Galatia 4:21

Ni'inan aku momadahan ko kaitn inyo honda' hidup dibabah kuaso somuo porintah huatan poraturan Allah inyo ditulis Musa dalapm buku Hukupm Torat. Sobondarnyo kaitn mongoroti cado agatn tulisan Musa?

Galatia 4:5

Jadi, Yesus diutus pakai' mombebasan boko urakng doi' kuaso Hukupm Torat. Agatn ubo nian, kito ulih ditorima' sobagai poana'an Allah.

Galatia 5:18

Aman kaitn hidup dibimbikng Roh Allah, kaitn kinyo gola' hidup monaati Hukupm Torat.