Roma 3:11 - Porjanjian Boharu Torjomahan Baso Dilakng Soari-ari

¹¹ Conyiant urakng inyo mongoroti lapo inyo bondar. Conyiant ado urakng inyo honda' mongonal Allah.

Roma 3:11 ပူးပေါင်းရင်းမြစ်များ

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

Roma 8:7

obai sia' bomusuhan agatn Allah. Sia' co monuruti boko porintah Allah. Malahan, sia' culihnyo monuruti boko porintah Allah.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

Roma 1:22

Sia' bopikir diri sia' ponuh hikmat, apo sobondarnyo sia' budu.

Matius 13:19

Bonih nantai samo agatn pomandiran Allah mongona'i Koraja'an Sorugo. Tanah jalatn nantai tontai monggambaran boko urakng inyo monorima' Pomandiran Allah ongkah mondinga'an ja'am apo kinyo honda' mongoroti. Lopas nian datakng Rajo Sitatn, mombulah sia' tongkolupatn agatn pomandiran Allah, sampai hati sia' kinyo pocayo.

Roma 3:10

Sama'an inyo totulis dalapm Buku Suci: “Conyiant siku' urakng pan inyo hidup bondar di hadapan Allah.

Roma 3:12

Somuo urakng udah honda' hidup jouh doi' Allah. Somuo sia' co boguno pakai' Allah. Conyiant siku' urakng pan inyo bulah koboi'an.