Roma 2:5 - Porjanjian Boharu Torjomahan Baso Dilakng Soari-ari

⁵ Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

Roma 2:5 ပူးပေါင်းရင်းမြစ်များ

Roma 1:18

Apo doi' sorugo Allah monunju'an ponggodi-Nyo pakai' somuo urakng inyo bodosa huatan bulah kojahatan. Obai, kojahatan nantai mohalaki monsio mongonal ajaran inyo bondar.

Yudas 1:6

Ado boko molekat jam inyo kalo dihukupm Tuhatn. Boko molekat nantai molewati batasan kuaso inyo udah ditontuan pakai' sia'. Sia' botula' doi' tompat sia' bodiapm. Ongko, sia' dirantai pakai' somanah-manahnyo. Tuhatn monawatn sia' di tompat inyo kotakan potakng-hiru' sampai ari Ponghakipan nononyo.

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

Ibrani 3:15

Sama'an pomandiran nantai am, “Pas ari ni'in, watu kaitn mondinga' saroTuhatn, jangan korikng hati sama'an angki-bayatn kaitn komai. Sia' molawatn Sio.”

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

Ibrani 4:7

Obai nantai am, Allah monontuan soari inyo bukai agi' oca' boko urakng nantai ulih mansu' tompat torahat nantai. Ari inyo dimasud nantai disobut ‘Sari ni'in’ dalapm pomandiran tontai nantai. Cukup manah lopas jadi angki-bayatn kito monula' Allah di padakng pasir, pomandiran ni'in disampaian molalu'i Daud, “Sari ni'in, watu kaitn mondinga' saro Tuhatn, jangan korikng hati.”

Ibrani 3:13

Apo kaitn gola' hala monguat'an inyo bukainyo sotiap ari, somanah ija' ado kosompatan timpu joman ni'in inyo disobut ‘Sari ni'in’. Labuhan nantai oca' kinyo ado di antaro kaitn inyo ditipu ulih dosa lalu monjadi korikng hati monula' Allah.

Roma 9:22

Ubo nian jam Allah bokuaso doi' somuo urakng inyo Sio pulah. Ado boko urakng inyo mombulah Allah godi. Sio udah siap mombonasoan sia'. Sio honda' monunju'an obai Sio godi ongko monunju'an kuaso-Nyo. Sio sabar agatn sia', jadi Sio kinyo lansukng mohukupm sia'

Wahyu 6:17

Ombakan koi cam obai Ari Ponghakipan Allah ongko Ana' Domba udah datakam. Conyiant inyo ulih botahatn!”

Yakobus 5:3

Omas ongko pira' umputn kaitn paca'an botogar. Nianam mombutian obai kaitn tama'. Jadi, Allah paca'an mombonasoan kaitn, samo sama'an api inyo moloburan isi kaitn. Kaitn hala mongumpulan kodampuan pakai' hobu-lusonyo. Apo sobondarnyo joman ni'in nam ari toahir kaitn.

Roma 11:25

Boko somadikan! Oca' kaitn kinyo bopikir kaitn udah mongotohu'i boko la'apo pan, jadi aku honda' momadahannyo ko kaitn mongona'i hajat Allah ni'in inyo komai kinyo dikotohu'i monsio: Sobagi'an banso Israel udah monjadi korikng hati, kinyo honda' pocayo agatn Yesus. Apo, koadaan ni'in bayo sampai jumlah monsio doi' banso bukai udah datakng ko Allah, ia'an nantai jumlah inyo udah ditontuan-Nyo.

2 Korintus 5:10

Obai, nononyo kito somuo gola' mohadap tahta Kristus pakai' diadili. Sotiap urakng tajahan monorima' balasan sotimpal agatn porbuatannyo di dunia ni'in, ia'an porbuatannyo inyo boi' damo inyo jahat.

2 Tesalonika 1:5

Nantaiam butinyo obai Allah moadili monsio agatn adil. Kaitn dianggap cucu' monjadi warga Koraja'an Allah. Nianam alasan kaitn ajab sonsaro obai kaitn hidup di Koraja'an Allah nantai.

Wahyu 2:21

Aku udah moonju' botina' nantai watu pakai' moninggalan boko dosanyo. Apo, io co honda' botongga' bulah dosa bomporajoan.