Roma 2:26 - Porjanjian Boharu Torjomahan Baso Dilakng Soari-ari

²⁶ Sama'an nian jam, aman ado urakng inyo kinyo disunant, apo io monaati Hukupm Torat, jadi Allah paca'an monorima' io samo sama'an urakng inyo disunant.

Roma 2:26 ပူးပေါင်းရင်းမြစ်များ

Kolose 2:11

Obai kaitn bosatu agatn Sio, ongko kaitn udah disunant. Aku kinyo bomasud sunant inyo dilabuhan monsio, apo sunant inyo dilabuhan Kristus. Ia'an, Sio bulah oca' kohonda' bodosa kinyo monguaso'i kaitn agi'.

Roma 8:4

Allah molabuhan somuo nantai oca' kito ulih hidup agatn caro inyo dimasud dalapm Hukupm Torat, ia'an nantai kito inyo hidup agatn caro inyo bondar, co monuruti kohonda' monsio apo monuruti Roh Allah.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

Efesus 2:11

Obai nantai, boko somadikan, ingant cam koadaan kaitn komai. Kaitn lahir sobagai boko urakng bukainyo urakng Yahudi. Urakng Yahudi mongatoan sia' umant Allah obai sia' disunant, boko hal inyo dikorojoan jari monsio aja'am. Sia' monyobut kaitn boko urakng inyo kinyo disunant inyokinyo tomansu' umant Allah.

Roma 3:30

Ongkah ado siku' Allah. Jadi, caronyo monjadi bondar di hadapan-Nyo ia'an caro inyo samo pakai' urakng Yahudi inyo bosunant huatan pakai' urakng bukai Yahudi inyo co bosunant. Caronyo ia'an pocayo ko Yesus.

Matius 15:28

Lalu Yesus bopandir ko io, “Indai, kotakan bosar kopocaya'an kolai! Lalu, biaram tojadi sosuai agatn porminta'an kolai.” Watu nantai jam ana' botina' nantai lansukng nyamanam.

Roma 2:25

Aman kaitn monaati Hukupm Torat, jadi sunant kaitn ado gunonyo. Apo aman kaitn molanggar Hukupm Torat, jadi sunant kaitn pocumo aja'am.

Roma 2:27

Ado boko urakng inyo monaati Hukupm Torat, biar pan sia' kinyo disunant. Sia' paca'an mohakipi kaitn urakng Yahudi inyo disunant, ia'an kaitn inyo mondapat Hukupm Torat inyo totulis, apo kinyo monaatinyo.

Galatia 6:15

Disunant kata'an co bosunant nantai co nyiant bedanyo. Inyo pontikng ia'an kito hidup agatn caro inyo boharu.