Roma 2:22 - Porjanjian Boharu Torjomahan Baso Dilakng Soari-ari

²² Kaitn bopandir, “Jangan momporajoan!” Apo kaitn siku' momporajoan! Kaitn mombonci' lompatukng songiang-duato. Apo kaitn siku' morampok babatn borono doi' rumah tompat monyombah songiang-duato!

Roma 2:22 ပူးပေါင်းရင်းမြစ်များ

Matius 12:39

Apo timbas Yesus ko sia', “Boko urakng di joman ni'in kotakng jahat ongko kinyo sotia ko Allah. Sia' monuntut suatu tando. Apo bayo sobuti' inyo paca'an dionji'i ko sia', bayo mujisat sama'an inyo tojadi ko Nabi Yunus timpu joman komai.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

Kisah Boko Rasul 19:37

Soharusnyo kaitn kinyo mombaba' koduo urakng ni'in ko si'itn agatn caro ni'in. Sia' kinyo mongolit la'apo pan doi' kuil duato kito. Sia' kinyo mohayam damonyo.

Markus 11:17

Lalu, Sio mongajar sia'. Kato-Nyo, “Pomandiran Allah totulis dalapm Buku Suci: ‘Rumah-Ku ia'an rumah pakai' bodoa pakai' somuo banso.’ Apo kaitn monjadiannyo sama'an sayakng ponyamun!”

Matius 16:4

“Boko urakng di joman ni'in kotakan jahat ongko kinyo sotia ko Allah. Sia' monuntut suatu tando. Apo bayo sobuti' inyo paca'an dionju' ko sia', bayo mujisat sama'an inyo tojadi ko Nabi Yunus timpu joman komai.” Lopas nantai, Yesus botula'am moninggalan sia'.

Roma 12:9

Kaitn somuo gola' bobondar mongasihi urakng bukai. Jangan bayo pompadah. Kaitn gola' bonci' agatn inyo jahat ongko molabuhan inyo boi'.