Roma 2:21 - Porjanjian Boharu Torjomahan Baso Dilakng Soari-ari

²¹ Kaitn mongajar urakng bukai. Apo soharusnyo kaitn mongajar diri kaitn siku'! Kaitn mongajar urakng bukai, “Jangan mongolit!” Apo kaitn siku' mongolit!

Roma 2:21 ပူးပေါင်းရင်းမြစ်များ

1 Korintus 9:27

Apo aku molatih bukakng-tubuhku agatn koras. Aku mongondalian diriku. Aku molabuhan boko hal nantai oca' lopas momboritoan Kabar Boi' ko urakng bukai, jangan sampai aku malahan kinyo cucu' di hadapan Allah.

Lukas 12:47

Hulutn inyo udah mongotohu'i kohonda' habakngnyo, apo kinyo molabuhannyo, co siap pakai' mohimpa'inyo, io tajahan dihukupm kotakng borat.

Lukas 11:46

Yesus monimbas, “Allah tajahan mohukupm kaitn jam boko guru agama Yahudi, obai kaitn mombebat'i boko urakng agatn boko poraturan agama inyo uyuh dilabuhan. Apotolagi', kaitn siku' bolai' monulukng sia' sodikit pan oca' poraturan nantai ulih dilabuhan!”

Lukas 19:22

Lalu, habakng nantai bopandir, ‘Kolai hulutn inyo jahat! Aku tajahan mohukupm kolai sosuai agatn pomandiran kolai nantai. Kolai mongatoan aku urakng inyo kojapm. Aku monguti' la'apo inyo sobondarnyo kinyo umputnku. Aku bodapat untukng doi' pogota'an urakng bukai samo samaꞌan urakng inyo monguti' hasil lakau doi' lakau inyo kinyo io tanam.

Lukas 4:23

Ongko kato Yesus ko sia', “Pasti kaitn paca'an momadahan pobaso ni'in ko Aku, ‘Uai dokter, nyamani bo diri kolai siku'.’ Kohonda'nyo kolai mombutian kuaso Kolai di tompat asal kolai ni'in agatn mujisat, samo samaꞌan mujisat inyo koi dinga' inyo udah kolai labuhan di Kapernaum.”

Matius 21:13

Kato-Nyo ko sia', “Pomandiran Allah totulis dalapm buku Suci: ‘Rumah-Ku ia'an rumah pakai' bodoa.’ Apo kaitn monjadiannyo samo sama'an sayakng ponyamun!”

Galatia 6:13

Sia' nantai udah disunant. Apo sia' kinyo monaati somuo porintah huatan poraturan Allah inyo ditulis Musa dalapm buku Hukupm Torat. Sia' bayo honda' kaitn disunant oca' sia' ulih mombuhau'i.