Roma 2:2 - Porjanjian Boharu Torjomahan Baso Dilakng Soari-ari

² Kito somuo tohu obai Allah adil timpu Sio mohukupm urakng inyo molabuhan boko hal inyo jahat.

Roma 2:2 ပူးပေါင်းရင်းမြစ်များ

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Roma 2:1

Jadi, kaitn inyo mohakipi urakng bukai pan bosalah. Kaitn kinyo ulih bopandir kaitn bondar. Obai, kaitn molabuhan boko hal inyo jahat samo sama'an urakng inyo kaitn hakipi. Jadi, agatn mohakipi urakng bukai, sobondarnyo kaitn pan mohakipi diri kaitn siku'.

Roma 2:3

Jadi, aman kaitn mohakipi urakng bukai nantai apo kaitn jam molabuhan boko hal inyo samo, jangan bopikir Allah kinyo paca'an mohukupm kaitn!

Roma 2:5

Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

Roma 9:14

Aman ubo nian, la'apo inyo ulih kito padahan? Kata'an Allah kinyo adil bai? Pasti Allah adil!

Wahyu 16:5

Aku mondinga' molekat inyo bokuaso dipucu' ara'i bopandir, “Oi Duatn inyo ado watu ni'in huatan inyo udah ado doi' komai. Duatn inyo kudus. Duatn mohukupm boko urakng ni'in agatn kotakng adil.

Wahyu 19:2

Pujicam Sio obai Sio mohakipi agatn bondar huatan adil. Sio udah mohukupm kota inyo bosar nantai. Kota nantai samo sama'an lahukng inyo morusa'an dunia agatn dosa bomporajoan. Lahukng nantai jam mombunuh boko urakng inyo molayati Allah agatn jarinyo siku'. Apo, Allah udah mohukupm io pakai' mombalas porbuatan jahat nantai.”