Roma 2:19 - Porjanjian Boharu Torjomahan Baso Dilakng Soari-ari

¹⁹ Kaitn mooso yakitn obai kaitn mampu mombimbikng urakng buto huatan monoraki jalatn pakai' urakng dalapm golap.

Roma 2:19 ပူးပေါင်းရင်းမြစ်များ

1 Korintus 4:10

Sama'annyo koi budu obai koi molayati Kristus. Apo kaitn bokopintar-corodi'an obai kaitn pocayo ko Kristus. Koi lomah. Apo, kaitn kuat. Koi kinyo cucu' dihormati. Apo kaitn tohormat.

Yohanes 9:34

Timbas sia', “Kolai udah bodosa doi' kolai lahir! Apo kolai honda' mongajar koi?” Lalu, sia' mousir io koluar.

Matius 15:14

Jadi, jangan bodulian sia'. Sia' samo sama'an urakng buto inyo moirikan urakng buto. Aman siku' urakng buto moncubo moirikan urakng buto bukainyo, pasti kododuonyo paca'an jatu' ko dalapm parit.”

Matius 6:23

Apo aman mato urakng jahat, boroti somuo bukakng-tubuhnyo potakng. Jadi, aman pompolitoan umputn kaitn nantai jahat, kojahatan kolai kotakng jahat.”

Matius 5:14

Kaitn ninam torakng dunia ni'in. Samo sama'an kota di pucu' bukit inyo co mungkitn toombakan.

Filipi 2:15

Agatn ubo nantai, kaitn hidup agatn caro inyo bondar ongko borosih. Kaitn hidup ubo poana'an Allah inyo culih disalahan biar pan kaitn ado di tongah-tongah boko urakng inyo jahat ongko co mongonal caro hidup inyo bondar. Jadi, kaitn monjadi torakng bagi sia', samo sama'an boko bintakng inyo bocohayo di dunia ni'in.

1 Korintus 3:18

Jangan sampai ado urakng inyo ngontumbuki dirinyo siku' mongona'i kopintar-corodi'an monsio. Aman ado urakng inyo moanggap dirinyo pintar-corodi' socaro dunia, urakng nantai gola' moanggap hal nantai budu. Io gola' molabuhan nantai oca' io bondar-bondar monjadi pintar-corodi'.

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

Matius 4:16

Banso inyo hidup dalapm potakng, udah moniant Torakng inyo bosar huatan torakng udah timbul pakai' sia' inyo hidup dalapm bayakng-bayakng komatian.”

Roma 2:18

Kaitn diajar doi' Hukupm Torat sampai kaitn mongotohu'i kohonda' Allah huatan mongotohu'i la'apo inyo bondar huatan la'apo inyo salah.

Roma 2:20

Kaitn mondidik boko urakng inyo kinyo sonunuh huatan mongajar boko urakng inyo budu. Kaitn yakitn obai di dalapm Hukupm Torat kaitn momuku'i somuo pongotohuan ongko ajaran inyo bondar.