Roma 2:17 - Porjanjian Boharu Torjomahan Baso Dilakng Soari-ari

¹⁷ Sama'an apo agatn kaitn? Kaitn bangga monyobut diri kaitn urakng Yahudi. Kaitn bopikir kaitn paca'an disolamant'an obai kaitn mondapat Hukupm Torat. Kaitn momuji diri obai kaitn banso inyo dipilih Allah.

Roma 2:17 ပူးပေါင်းရင်းမြစ်များ

Roma 2:23

Kaitn bangga obai kaitn mondapat Hukupm Torat. Apo kaitn siku' mohayam Allah agatn molanggar Hukupm Torat nantai!

Wahyu 2:9

Aku tohu obai kaitn didorako'i obai pocayo ko Aku. Aku tohu obai kaitn jaro, apo ingant cam obai sobondarnyo kaitn dampu! Aku tohu obai kaitn dipojahat ulih boko urakng inyo monyobut dirinyo urakng Yahudi. Apo sobondarnyo sia' bukainyo anggota umant Allah. Sia' anggota umant Rajo Sitatn!

Roma 9:32

Hibo? Obai sia' kinyo pocayo agatn Yesus apo bousaha monjadi bondar agatn porbuatan boi' sia'. Yesus samo sama'an batu inyo bulah sia' topanjur.

Yohanes 5:45

Jangan kaitn bopikir obai Aku paca'an monyalahan kaitn di hadapan Bopai. Urakng inyo monyalahan kaitn nan Musa. Kaitn boharap kaitn paca'an disolamant'an obai kaitn monaati porintah Allah inyo ditulis Musa. Apo, justru Musanam inyo monyalahan kaitn.

Matius 3:9

Jangan bopikir dalapm hati: Koi koturutan doi' Abrahapm. Pasti Allah kinyo paca'an mohukupm koi. Ingant: Doi' boko batu ni'in pan Allah ulih bulah koturutan Abrahapm!

Wahyu 3:9

Porhatiancam! Boko urakng nantai doi' umant Rajo Sitatn, sia' monyobut dirinyo urakng Yahudi. Apo sobondarnyo sia' bukainyo anggota umant Allah. Sia' tumbukan! Aku paca'an bulah sia' datakng tundu' monyungkapan di pohadapan kaki kaitn. Lalu, sia' paca'an tohu obai Aku mongasihi kaitn.

Wahyu 3:1

“Tuliscam pomandiran ni'in ko molekat inyo monjago jomaat di Sardis: Pomandiran ni'in doi' Sio, inyo umputn kotujuh roh ongko kotujuh bintakng nantai. Aku tohu caro hidup kaitn. Uji urakng tai hidup kaitnbohubukan dampikng agatn Allah. Padohal, sobondarnyo kaitn topisah doi' Allah, kaitn samo sama'an udah mati.

Efesus 2:11

Obai nantai, boko somadikan, ingant cam koadaan kaitn komai. Kaitn lahir sobagai boko urakng bukainyo urakng Yahudi. Urakng Yahudi mongatoan sia' umant Allah obai sia' disunant, boko hal inyo dikorojoan jari monsio aja'am. Sia' monyobut kaitn boko urakng inyo kinyo disunant inyokinyo tomansu' umant Allah.

Galatia 2:15

Koi: Paulus, Petrus ongko urakng Yahudi bukai inyo pocayo nantai koturutan urakng Yahudi. Urakng Yahudi moanggap somuo “urakng bukai Yahudi nantai ‘urakng bodosa’.”

2 Korintus 11:22

Kata'an sia' momuji diri mongatoan obai sia' nam urakng asli Ibrani? Aku pan urakng asli Ibrani jam! Kata'an sia' doi' banso Israel ai? Aku pan doi' banso Israel jam! Kata'an sia' koturutan Abrahapm ai? Aku pan koturutan Abrahapm jam!

Yohanes 8:41

Jadi, kaitn kinyo bondar ana' Abrahapm, obai kaitn tuyut bopai inyo bukai.” Timbas sia', “Koi bukainyo boko ana' kampakng. Siku' mo Bopai koi, ia'an Allah!”

Yohanes 8:33

Timbas sia', “Koi ni'in koturutan Abrahapm. Koi co kalo monjadi pacal sopo pan! Ubo apo Duatn ulih bopandir obai koi paca'an dibebasan?”

Yohanes 7:19

Musa udah moonju' ko kaitn Hukupm Torat. Apo conyiant sikuꞌ urakng pan di antaro kaitn inyo monaatinyo. Hibo kaitn honda' mombunuh Aku?”

Lukas 10:28

“Timbas kolai nantai bondar,” kato Yesus. “Labuhancam nantai, kolaipan tajahan bodapat hidup kokal.”

Yohanes 5:39

Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

Roma 3:27

Aman sama'an nian, apobai monsio ulih moninggian diri obai io monjadi bondar di hadapan Allah obai porbuatannyo siku'? Samo sokali cado! Sobab, nantai tojadi bukai obai porbuatannyo siku', apo obai io pocayo ko Yesus.