Roma 2:16 - Porjanjian Boharu Torjomahan Baso Dilakng Soari-ari

¹⁶ Nononyo hal nantai monjadi kotiat'an. Ia'an, timpu Allah molalu'i Kristus Yesus pakai' mohakipi somuo hal inyo tosimpatn dalapm hati monsio. Nantai sosuai agatn Kabar Boi' inyo aku boritoan.

Roma 2:16 ပူးပေါင်းရင်းမြစ်များ

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Lukas 8:17

Samo sama'an nantaiam, somuo inyo dibumbutn paca'an kotiat'an; somuo rahasia paca'an dikotohu'i ongko ditorakan.

Yohanes 12:48

Apo, pas ahir joman nononyo, somuo urakng inyo monula' Aku, somuo urakng inyo co mondinga' pomandiran-Ku, sia' paca'an dihukupm. Sia' paca'an dihukupm sosuai agatn ajaran inyo udah Aku sampaian. Pomandiran inyo Aku sampaian monjadi sama'an hakipm inyo mohukupm sia'

Kisah Boko Rasul 10:42

Jadi, Yesus monyiuh koi pakai' momboritoan ko boko urakng. Koi disiuh monyampaian obai Allah udah momilih Yesus monjadi hakipm pakai' somuo urakng inyo hidup agatn urakng inyo mati.

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Roma 16:25

Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

Roma 2:5

Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

Roma 3:6

Samo sokali cado! Soandainyo Allah kinyo adil, nononyo co mungkitn Sio ulih mohakipi boko urakng di dunia ni'in?

1 Korintus 15:1

Boko somadikan, ni'inan aku honda' moingant'an kaitn mongona'i Kabar Boi'. Sokomai aku udah momboritoan Kabar Boi' ko kaitn ongko kaitn monorima'nyo. Kaitn pan udah somombondarannyo pocayo ko Kabar Boi' nantai.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

2 Korintus 5:10

Obai, nononyo kito somuo gola' mohadap tahta Kristus pakai' diadili. Sotiap urakng tajahan monorima' balasan sotimpal agatn porbuatannyo di dunia ni'in, ia'an porbuatannyo inyo boi' damo inyo jahat.

Galatia 1:11

Boko somadikan, aku somombondarnyo honda' oca' kaitn mongoroti mongona'i Kabar Boi' inyo aku boritoan. Kabar Boi' nantai kinyo bodasaran doi' pikiran monsio.

1 Timotius 1:11

Ajaran inyo bondar nantai sosuai agatn Kabar Boi' doi' Allah inyo bokuaso huatan cucu' mondapat pujian. Sio inyo moonju' tanggukng-jawab ko aku pakai' momboritoan Kabar Boi' nantai.

2 Timotius 2:8

Kabar Boi' inyo aku boritoan ia'an mongona'i Yesus Kristus, koturutan Rajo Daud. Sionam Kristus inyo udah bobali' hidup doi' komatian.

2 Timotius 4:1

Dinga'anbo! Kristus Yesus momorintah dalapm Koraja'an Allah somanah-manahnyo. Sio paca'an datakng bobali' agi' ko dunia ni'in. Watu nantai, Sio paca'an mohakipi somuo urakng, boi' urakng inyo ija' hidup honda' pan urakng inyo udah mati. Obai nantai dihadapan Kristus Yesus huatan Allah moonji'i boko potunju' ni'in ko kolai:

2 Timotius 4:8

Tuhatn udah monyiap'an hadiah inyo bondar ko aku. Sio nantai Hakipm inyo paca'an mohakipi somuo urakng agatn adil. Watu nantai, Sio paca'an moonji'i hadiah nantai pakai' aku huatan somuo urakng inyo rindu Sio datakng bobali' agi' ko dunia ni'in.

Ibrani 9:27

Allah udah monontuan monsio mati sokali mo. Lopas nantai, sia' dihakipi.

1 Petrus 4:5

Apo sia' tajahan dihakipi. Sia' gola' moaku'i somuo dosa sia' ko Sio inyo mohakipi urakng inyo hidup ongko urakng inyo mati.

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,