Roma 2:15 - Porjanjian Boharu Torjomahan Baso Dilakng Soari-ari

¹⁵ Sia' udah mongoroti isi Hukupm Torat nantai dalapm hati sia' sikuꞌ. Jadi, pikiran dalapm hati sia' monyalahan sia' aman sia' bulah kojahatan, huatan mombela sia' aman sia' bulah koboi'an.

Roma 2:15 ပူးပေါင်းရင်းမြစ်များ

2 Korintus 5:11

Koi tohu lapo rotinyo gola' agatn Tuhatn, obai nantai koi bousaha monyakitan urakng. Allah udah mongotohu'i obai hati koi tulus. Aku honda' oca' kaitn pan mongotohu'i nantai.

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

1 Timotius 4:2

Boko urakng inyo mongajar boko ajaran nantai sobondarnyo sia' nantai boko urakng tumbukan, co nyiant hati sia'.

Roma 9:1

Obai aku bosatu agatn Kristus, jadi pomandiran ku ni'in pasti bondar. Aku yakitn aku co bulah kotumbukan. Roh Allah mombulah hatiku yakitn mongona'i nantai jam.

Kisah Boko Rasul 24:16

Obai nantai, aku hala bousaha oca' hati nuraniku borosih di hadapan Allah huatan monsio.

Kisah Boko Rasul 23:1

Paulus moncorona'i lansukng ko boko pomimpitn Yahudi nantai. Katonyo, “Boko somadikan, sampai ari ni'in aku totap hidup agatn hati nurani inyo borosih di hadapan Allah.”

Yohanes 8:9

Lopas sia' mondinga' pomandiran Yesus nantai, sia' botula' doi' siatn nantai, siku'-monyiku', mula'i doi' inyo totuho. Ahirnyo, ija' Yesus agatn botina' nantai cam inyo tinggal di santai.

Roma 2:14

Memang urakng inyo bukai Yahudi kinyo mondapat Hukupm Torat. Apo aman sia' ado kohonda' sia' siku' hidup sosuai agatn Hukupm Torat, jadi sia' monunju'an obai hati sia' sikuꞌ mombimbikng sia' samo sama'an Hukupm Torat mombimbikng urakng Yahudi.

Roma 2:27

Ado boko urakng inyo monaati Hukupm Torat, biar pan sia' kinyo disunant. Sia' paca'an mohakipi kaitn urakng Yahudi inyo disunant, ia'an kaitn inyo mondapat Hukupm Torat inyo totulis, apo kinyo monaatinyo.