Roma 2:12 - Porjanjian Boharu Torjomahan Baso Dilakng Soari-ari

¹² Obai somuo urakng inyo bodosa co bohukupm Torat paca'an bonaso agatn kinyo bohukupm Torat; agatn somuo urakng inyo bodosa di babah hukupm Torat paca'an di hakipi ulih hukupm Torat

Roma 2:12 ပူးပေါင်းရင်းမြစ်များ

Matius 11:22

Dinga'anbo! Timpu Ari Ponghakipan Allah nono, hukupan ko kaitn di Khorazim huatan Betsaida paca'an lobih borat daripado hukupan ko boko urakng jahat di Tirus ongko Sidon nantai.

Matius 11:24

Dinga'anbo! Timpu Ari Ponghakipan Allah nononyo, hukupan ko kaitn di Kapernaum paca'an lobih borat daripado hukupan ko boko urakng jahat di Sodom nantai.”

Yohanes 19:11

Timbas Yesus, “Kolai bokuaso tohadap Aku obai Allah inyo moonji'i kolai kuaso nantai. Obai nantai, urakng inyo monyorahan Aku ko kolai, io udah bulah dosa inyo lobih bosar daripado dosa inyo tajahan kolai pulah.”

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Roma 1:32

Monurut porintah Allah, somuo urakng inyo hidup sama'an nantai paca'an dihukupm mati. Biar pan sia' udah mongotohu'i nantai, sia' totap molabuhan boko hal inyo jahat nantai. Kinyo haja' ongkah nantai apo sia' jam sotuju aman urakng bukai molabuhannyo.

Roma 4:15

Hukupm Torat mondatakan hukupan Allah. Apo aman hukupm nantai conyiant, jadi polanggaran pan conyiant jam.

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

1 Korintus 9:21

Aman aku bosamo agatn boko urakng inyo hidup bebas doi' tuntutan pakai' monaati Hukupm Torat, aku pan hidup bebas doi' tuntutan monaati Hukupm Torat. Aku molabuhan nantai oca' monulukng sia' pakai' pocayo ko Yesus. Apo sobondarnyo aku kinyo bebas doi' monaati Porintah Allah. Aku sobondarannyo monaati Porintah Kristus.

Galatia 3:10

Apo sotiap urakng inyo bayo bousaha monaati Hukupm Torat, komungkitan paca'an kona' tulah, obai mungkitn sia' co ulih hala monaati somuo porintah huatan poraturan Allah nantai. Obai ado totulis dalapm Buku Suci: “Allah paca'an mohukupm boko urakng inyo kinyo hala sotia monaati somuo Hukupm Torat.”

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Yakobus 2:10

Soandainyo ado urakng inyo monaati hampir somuo porintah Allah. Urakng nian bayo molanggar sobuti' porintah-Nyo. Rotinyo, io totap salah samo sama'an io molanggar somuo porintah nantai.