Roma 2:1 - Porjanjian Boharu Torjomahan Baso Dilakng Soari-ari

¹ Jadi, kaitn inyo mohakipi urakng bukai pan bosalah. Kaitn kinyo ulih bopandir kaitn bondar. Obai, kaitn molabuhan boko hal inyo jahat samo sama'an urakng inyo kaitn hakipi. Jadi, agatn mohakipi urakng bukai, sobondarnyo kaitn pan mohakipi diri kaitn siku'.

Roma 2:1 ပူးပေါင်းရင်းမြစ်များ

Lukas 12:14

Apo Yesus bopandir ko io, “Somadikan, co nyiant urakng inyo moangkat Aku monjadi hakipm damo porontaro pakai' momutusan pokaro sama'an nian!”

Lukas 19:22

Lalu, habakng nantai bopandir, ‘Kolai hulutn inyo jahat! Aku tajahan mohukupm kolai sosuai agatn pomandiran kolai nantai. Kolai mongatoan aku urakng inyo kojapm. Aku monguti' la'apo inyo sobondarnyo kinyo umputnku. Aku bodapat untukng doi' pogota'an urakng bukai samo samaꞌan urakng inyo monguti' hasil lakau doi' lakau inyo kinyo io tanam.

Lukas 6:37

“Jangan mohakipi urakng bukai, nononyo kaitn co dihakipi Allah. Jangan monyalahan urakng bukai, nononyo kaitn kinyo disalahan Allah. Amputi kosalahan urakng bukai, nononyo kaitn diamputi Allah.

Roma 14:22

Kopocaya'an kolai mongona'i poraturan ubo nantai ia'an urusan kolai siku' agatn Allah. Diborokaticam urakng inyo molabuhan lapo inyo io pikir bondar, ongko co monyalahan dirinyo siku'.

Roma 2:2

Kito somuo tohu obai Allah adil timpu Sio mohukupm urakng inyo molabuhan boko hal inyo jahat.

Roma 2:3

Jadi, aman kaitn mohakipi urakng bukai nantai apo kaitn jam molabuhan boko hal inyo samo, jangan bopikir Allah kinyo paca'an mohukupm kaitn!

Roma 3:9

Jadi, sama'an apo kosimpulannyo? Apobai kito urakng Yahudi lobih boi' di hadapan Allah daripado urakng bukai? Samo sokali cado! Koi udah monjolasan obai somuo urakng dikuaso'i ulih dosa, boi' urakng Yahudi honda' pan urakng bukai Yahudi.

Roma 9:20

Apo, porhatiancam! Kolai bayo monsio. Kolai culih monyalahan koputusan Allah inyo moncipta'an kolai. Roga' pasti culihnyo bopandir ko tukakng inyo mombulahnyo, “Mapo kolai bulah ku sama'an ni'in?!”

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

1 Korintus 7:16

Obai co nyiant inyo tohu la'apo inyo paca'an tojadi. Hai boko bini, kaitn mungkitn ja'am bulah laki kaitn disolamant'an. Hai boko laki, kaitn mungkitn ja'am bulah bini kaitn disolamant'an.

Yakobus 2:20

Jangan budu! Aman ado urakng inyo mongatoan io pocayo ko Yesus, apo io co molabuhan porbuatan inyo monyonangan hati Allah, kopocaya'an urakng nantai conyiant gunonyo. Ado buti

Yakobus 4:11

Boko somadikan, jangan mongatoan boko hal inyo jahat mongona'i sosamo kaitn urakng pocayo. Jangan hala mohakipi. Aman kaitn molabuhan nantai, rotinyo kaitn co monaati porintah pakai' hala mongasihi inyo ado dalapm Hukupm Torat. Nantai samo sama'an kaitn mongatoan porintah nantai salah huatan kinyo boi'. Jadi, bukainyo monaati porintah, kaitn botindak samo sama'an kaitn monjadi boko hakipm inyo bohak monilai porintah nantai.