Roma 16:6 - Porjanjian Boharu Torjomahan Baso Dilakng Soari-ari

⁶ Salapm ko Maria inyo udah bokorojo koras pakai' kaitn.

Roma 16:6 ပူးပေါင်းရင်းမြစ်များ

Matius 27:55

Di santai ado jam boboropo botina' inyo moniant doi' jouh. Sia' nanam botina' inyo tuyut Yesus doi' doerah Galilea pakai' molayati Sio.

Matius 5:47

Aman kaitn monyampaian salapm bayo ko boko somadikan kaitn mo, nantai bukainyo porbuatan inyo lobih boi' doi' urakng bukai. Obai boko urakng inyo bolupm mongonal Allah bulah ubo nian jam.

Roma 16:12

Salapm ko Trifena ongko Trifosa inyo bokorojo koras molayati Tuhatn. Salapm ko Persis inyo ku kasihi inyo pan bokorojo koras molayati Tuhatn.

Roma 16:5

Sampaian salapm jam ko jomaat inyo bokumpul di rumah sia'. Salapm ko Epenetus, somadikan inyo ku kasihi. Io nam urakng inyo potamo di doerah Asia inyo monjadi pocayo ko Kristus.

Roma 16:7

Salapm ko Andronikus ongko Yunias, boko somadikan doi' banso Yahudi samo sama'an aku. Sia' kalo ditamoan ko dalapm ponjara bosamo agatn aku. Sia' pocayo ko Kristus sobolupm aku, ongko sia' tokonal di antaro boko rasul.

1 Tesalonika 5:12

Boko somadikan, ado boko urakng inyo bokorojo koras pakai' molayati Tuhatn di antaro kaitn. Sia' momimpitn kaitn huatan momadahi kaitn oca' co bulah dosa. Sia' moingant'an kaitn oca' kaitn co bulah dosa. Koi muhun oca' kaitn morogo'i sia'.

1 Timotius 5:10

Botina' balu nantai gola' dikonal sobagai urakng inyo hala bulah koboi'an. Contohnyo: io mombosaran poana'annyo agatn caro boi', io gola' agatn coraca'an bosodia moonji'i koluntukan, io gola' rondah hati molayati boko urakng pocayo huatan mombasu'i kaki sia', io gala' monulukng urakng inyo moalapi kosusahan. Io gola' moutamoan boko porbuatan boi' sama'an nantai dalapm kohidupannyo.