Roma 16:3 - Porjanjian Boharu Torjomahan Baso Dilakng Soari-ari

³ Padahan salapm ko Priskila ongko Akwila. Sia' bokorojosamo agatn aku pakai' molayati Kristus Yesus.

Roma 16:3 ပူးပေါင်းရင်းမြစ်များ

Kisah Boko Rasul 18:26

Di kota Efesus Apolos mula'i mongajar agatn borani di rumah sombayakng agama Yahudi. Ongko, Priskila ongko Akwila mondinga' ajaran Apolos nantai kurakng longkap. Obai nantai, sia' mohundakng io ko rumah sia'. Di santai, sia' monjolasan ko io sorinci-rincinyo agi' ajaran Allah mongona'i kosolamant'an molalu'i Yesus.

Roma 16:10

Salapm ko Apeles. Io kalo diuji ongko monunju'an obai io totap sotia ko Kristus. Salapm ko koluarga Aristobulus ongko somuo urakng inyo diapm di rumahnyo.

Roma 16:4

Sia' kalo hampir mati obai honda' monyolamant'an hidupku. Aku botorima' kasih ko sia'. Malahan, somuo jomaat urakng bukainyo urakng Yahudi botorima' kasih ko sia'.

Roma 16:7

Salapm ko Andronikus ongko Yunias, boko somadikan doi' banso Yahudi samo sama'an aku. Sia' kalo ditamoan ko dalapm ponjara bosamo agatn aku. Sia' pocayo ko Kristus sobolupm aku, ongko sia' tokonal di antaro boko rasul.

Roma 16:9

Salapm ko Urbanus inyo bokorojosamo agatn koi pakai' molayati Kristus. Salapm ko Stakhis inyo ku kasihi.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

1 Korintus 16:16

mohormati sia' sobagai pomimpitn kaitn. Hormati jam urakng bukai sama'an sia' inyo bokorojo koras dalapm molayati Tuhatn.

1 Korintus 16:19

Boko jomaat di propinsi Asia Kocit ni'in monyampaian salapm ko kaitn. Salapm jam doi' Akwila ongko Priskila huatan jomaat inyo bokumpul di rumah sia'. Sia' somuo monyampaian salapm agatn ponuh kasih dalapm Tuhatn.

2 Korintus 12:2

Aku konal agatn siku' urakng inyo pocayo agatn Kristus. Ompat bolas tohutn komainyo, kali labuh Allah moangkat urakng nantai ko tompat inyo kotakan tinggi di sorugo. (Aku co tohu aman bukakng-tubuhnyo diangkat ko sorugo damo bayo rohnyo. Ongkah Allaham inyo mongotohu'i nantai.)

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Galatia 1:22

Obai nantai, boko jomaat Kristus di Yudea bolupm kalo botomu agatn aku socaro lansukng.

Filipi 2:25

Apo, timpu ni'in, aku mooso pontikng mongiripm Epafroditus agi' ko kaitn. Komai, kaitn moutus io pakai' monulukng ku dalapm ponjara di si'itan. Io udah monjadi somadikanku inyo bokorojo ongko bojuakng pakai' Kristus bosamo ku.

Kolose 4:11

Salapm jam doi' Yesus, inyo ditingkau Yustus. Doi' boko urakng Yahudi inyo pocayo, bayo kotigo urakng ni'in inyo ija' molayati bosamo agatn aku pakai' momboritoan mongona'i Koraja'an Allah. Sia' somombondarannyo monulukng aku.

2 Timotius 4:19

Sampaiancam salapm ko Priska ongko Akwila. Sampaian jam salapm ko somuo urakng inyo tinggal dalapm rumah Onesiforus.