Roma 16:25 - Porjanjian Boharu Torjomahan Baso Dilakng Soari-ari

²⁵ Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

Roma 16:25 ပူးပေါင်းရင်းမြစ်များ

1 Korintus 2:7

Inyo koi ajaran nantai kopintar-corodi'an Allah. Sokomai, boko urakng kinyo tohu bondar mongona'i kopintar-corodi'an Allah nantai. Kopintar-corodi'an Allah nantai botapu'. Apo sobolupm Allah bulah dunia ni'in, Sio monyiap'an kopintar-corodi'an nantai. Sio molabuhan nantai, oca' kito pan monorima' komulia'an doi' Sio.

Roma 2:16

Nononyo hal nantai monjadi kotiat'an. Ia'an, timpu Allah molalu'i Kristus Yesus pakai' mohakipi somuo hal inyo tosimpatn dalapm hati monsio. Nantai sosuai agatn Kabar Boi' inyo aku boritoan.

Efesus 1:9

Obai Allah udah momandiran ko kito roncana-Nyo, inyo komai kinyo dikotohu'i monsio. Doi' mulonyo, Allah udah monontuan obai roncana-Nyo paca'an dilabuhan molalu'i Kristus. Roncana-Nyo nantai sosuai agatn kohonda'-Nyo huatan monyonangan hati-Nyo.

2 Korintus 4:3

Mungkitn ado boko urakng inyo kinyo mongoroti Kabar Boi' inyo koi boritoan. Apo nantai ongkah boko urakng inyo paca'an bonaso,

Efesus 3:9

Allah pan moutusku pakai' monyatoan ko somuo urakng mongona'i roncana-Nyo pakai' boko urakng bukainyo urakng Yahudi. Doi' awal-mulonyo, Allah inyo mombulah somuo hal bolupm momandirannyo ko monsio mongona'i roncana-Nyo nantai.

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

2 Timotius 2:8

Kabar Boi' inyo aku boritoan ia'an mongona'i Yesus Kristus, koturutan Rajo Daud. Sionam Kristus inyo udah bobali' hidup doi' komatian.

2 Tesalonika 3:3

Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

Efesus 6:19

Bodoa jam pakai' ku, oca' sotiap watu aku bopandir, Allah moonji'i kato-kato ko aku. Bodoa jam oca' aku borani momboritoan Kabar Boi' mongona'i hajat Allah inyo komainyo kinyo dikotohu'i monsio.

2 Korintus 4:5

Obai bukainyo diri koi siku' inyo koi boritoan. Apo, koi momboritoan mongona'i Yesus Kristus sobagai Tuhatn. Sio inyo moutus koi pakai' monjadi polayatn kaitn.

1 Korintus 1:23

Apo koi momboritoan obai Kristus, Rajo Inyo Dijanjian Allah mati di kayu salib. Hal nantai bulah boko urakng Yahudi tosinggukng, huatan boko urakng inyo kinyo Yahudi moanggap hal nantai kinyo ado rotinyo.

Kisah Boko Rasul 20:32

Ni'inan, aku monyorahan kaitn ko Allah. Mudahan Allah molinduki kaitn. Totap ja' pocayo ko Kabar Boi' mongona'i koboi'an Allah. Mudahan Allah huatan Kabar Boi' nantai hala bulah hati kaitn pocayo ko Yesus mongkitn kuat. Obai Allah bokuaso moonji'i tuah inyo udah disodiaan husus bayo pakai' umant kokidah-Nyo.

Kisah Boko Rasul 9:20

Lopas jadi io ulih moniant agi' huatan monjadi kuat agi', io lansukng botula' ko boko rumah sombayakng urakng agama Yahudi. Io momboritoan obai Yesus nantai Ana' Allah.

Matius 13:35

Yesus molabuhan nantai oca' pomandiran Allah monjadi nyata. Watu joman komai ado siku' nabi inyo monyampaian pomandiran Allah nantai bunyi ni'in: “Aku paca'an bopandir agatn caro momakai poumpamoan. Aku paca'an momboritoan boko hal inyo bolupm kalo dikotohu'i monsio soja' dunia dicipta'an.”

Matius 13:17

Pondinga'ancam! Joman komai banya' nabi ongko urakng bukai inyo hidup bondar di hadapan Allah, honda' moniant somuo inyo kaitn tiat, apo co kalo moniantnyo. Sia' honda' mondinga' somuo inyo kaitn dinga', apo co kalo mondinga'nyo.”

1 Petrus 1:20

Allah udah momilih Sio sobolupm dunia dipulah. Apo, hoyu' ari toahir ni'in, Kristus udah datakng monyatoan diri-Nyo. Sio molabuhan nantai pakai' kaitn.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

2 Timotius 1:9

Allah udah monyolamant'an huatan momilih kito, oca' kito hidup husus pakai' Sio. Sio molabuhan nantai bukainyo obai kito udah bulah koboi'an. Apo obai nantai udah hajat huatan koboi'an-Nyo. Koboi'an nantai Sio onju' molalu'i Kristus Yesus sobolupm dunia ni'in dipulah.

Efesus 3:11

Ia'an Allah mombulah kito monjadi satu umant di dalapm Kristus Yesus, Tuhatn inyo bokuaso di pucu' kito. Nantai am roncana-Nyo doi' mulonyo pakai' somanah-manahnyo.

1 Korintus 4:1

Jadi, kaitn gola' borotian koi somuo agatn caro ni'in: Koi ninam boko polayatn Kristus. Koi ninam urakng inyo Allah pocayoam pakai' momboritoan roncana-Nyo inyo komai kinyo dikotohu'i monsio.

Roma 14:4

Urakng nantai ia'an polayatn umputn Tuhatn, bukainyo umputn kolai. Jadi, kolai conyiant ado hak pakai' mohakipi io. Aman io jatu' damo bodiritn, nantai urusan Tuhatn inyo bokuaso doi' io. Apo pasti io tajahan totap bodiritn togap obai Tuhatn bokuaso mombulah io bodiritn togap.

1 Tesalonika 3:13

Koi bodoa oca' ni'inan Tuhatn monguat'an hati kaitn. Jadi, pas Yesus, Tuhatn kito agatn boko urakng suci umputn Sio, nononyo datakng, Allah Bopai kito moanggap kaitn kinyo bosalah huatan suci.

Roma 11:25

Boko somadikan! Oca' kaitn kinyo bopikir kaitn udah mongotohu'i boko la'apo pan, jadi aku honda' momadahannyo ko kaitn mongona'i hajat Allah ni'in inyo komai kinyo dikotohu'i monsio: Sobagi'an banso Israel udah monjadi korikng hati, kinyo honda' pocayo agatn Yesus. Apo, koadaan ni'in bayo sampai jumlah monsio doi' banso bukai udah datakng ko Allah, ia'an nantai jumlah inyo udah ditontuan-Nyo.

Roma 16:24

Aku bodoa oca' Yesus Kristus, Tuhatn kito, hala monunju'an kasih-Nyo ko kaitn somuo. Amin!

Kolose 2:2

Aku bousaha oca' hati kaitn somuo dikuatan huatan kaitn bosatu dalapm kasih. Agatn ubo nian, kaitn mondapat'an somuo borokat huatan monjadi yakitn obai sobondarannyo mongoroti mongona'i Yesus. Kaitn pan paca'an mongotohu'i hajat Allah inyo komai kinyo dikotohu'i monsio. Ia'an, kaitn somuo ulih mongonal Kristus.

Kolose 4:3

Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

Wahyu 10:7

Molekat inyo kotujuh paca'an moniup trompetnyo. Watu nantai, hajat Allah paca'an oca' diponuhi. Somuo hal inyo paca'an tojadi samo sama'an Allah udah boritoan ko boko nabi inyo molayati Sio.”

Matius 20:7

Kato sia' ko io, ‘Obai nyiant ado urakng inyo moonji'i pokoroja'an ko koi.’ Katonyo ko sia', ‘Kaitn botula' bokorojo ja'am di kobutn anggurku.’