Roma 16:19 - Porjanjian Boharu Torjomahan Baso Dilakng Soari-ari

¹⁹ Somuo urakng udah mondinga' obai kaitn monaati Tuhatn. Jadi aku kotakng sonang obai kaitn! Apo aku honda' oca' kaitn pintar-corodi' mongotohu'i lapo inyo boi' ongko co bulah kojahatan.

Roma 16:19 ပူးပေါင်းရင်းမြစ်များ

Matius 10:16

“Dinga'anbo ni'in! Aku moutus kaitn samo sama'an boko ana' domba ko boko bonatakng ganas. Obai nantai, kaitn gola' corodi' sama'an ular. Apo kaitn pan gola' tulus hati sama'an burukng daro.

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

Filipi 2:15

Agatn ubo nantai, kaitn hidup agatn caro inyo bondar ongko borosih. Kaitn hidup ubo poana'an Allah inyo culih disalahan biar pan kaitn ado di tongah-tongah boko urakng inyo jahat ongko co mongonal caro hidup inyo bondar. Jadi, kaitn monjadi torakng bagi sia', samo sama'an boko bintakng inyo bocohayo di dunia ni'in.

Roma 1:8

Potamo-tamo, aku moucap sukur ko Allah molalu'i Yesus Kristus pakai' kaitn somuo. Obai, urakng di mono-mono di soluruh dunia mondinga' obai kaitn pocayo ko Yesus.

Filipi 1:9

Ninam doaku pakai' kaitn: Mudahan kaitn mongkitn mongasihi Allah ongko urakng bukai ongko mongkitn mongotohu'i ongko mongoroti lapo inyo bondar

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

Efesus 5:17

Jangan budu, apo bousaha cam oca' kaitn mongoroti la'apo inyo dikohonda'i Tuhatn.

Lukas 10:3

Nah, botula'cam! Aku moutus kaitn ko tongah boko urakng inyo molawatn kito, samo ubo boko ana' domba ko tongah boko bonatakng ganas.