Roma 16:13 - Porjanjian Boharu Torjomahan Baso Dilakng Soari-ari

¹³ Salapm ko Rufus inyo dipilih Tuhatn socaro husus. Salapm ko indai Rufus jam inyo udah monjadi samo sama'an indai ku siku'.

Roma 16:13 ပူးပေါင်းရင်းမြစ်များ

Matius 20:16

Yesus monyimpulan, “Nantai inyo Ku kohonda'i agatn pomandiran ni'in: ado urakng inyo dianggap kinyo pontikng ni'in, apo nononyo Allah paca'an bulah sia' pontikng. Ado jam urakng inyo dianggap pontikng watu ni'in, apo nononyo Allah paca'an bulah sia' kinyo pontikng.”

Markus 15:21

Watu sia' tongahan bojalatn, sia' nantai botomu agatn urakng doi' kota Kirene. Damonyo Simon. (Io ia'an bopai Aleksander ongko Rufus.) Simon hoyu' datakng doi' luar kota. Boko projurit momoso io pakai' momikul kayu salib Yesus.

Markus 3:35

Somuo urakng inyo molabuhan lapo inyo dikohonda'i Allah, sia' nanam somadikan lolaki-Ku, somadikan botina'-Ku ongko indaiku.”

Yohanes 15:16

Bukainyo kaitn inyo momilih Aku, apo Akunam inyo momilih kaitn. Aku moutus kaitn oca' kaitn botula' ongko bobuah lobat, ia'an buah inyo tahatn somanah-manahnyo. Aman kaitn molabuhan nantai lalu, Bopai paca'an moonji'i kaitn lapo inyo kaitn minto doi' Sio dalapm damo-Ku.

Yohanes 19:27

Sio jam bopandir ko murid-Nyo nantai, “Watu ni'in Sio monjadi ubo indai kolai!” Soja' doi' nantai, murid-Nyo nantai monorima' indai Yesus diapm di rumahnyo.

Roma 16:12

Salapm ko Trifena ongko Trifosa inyo bokorojo koras molayati Tuhatn. Salapm ko Persis inyo ku kasihi inyo pan bokorojo koras molayati Tuhatn.

Roma 16:14

Salapm ko Asinkritus, Flegon, Hermes, Patrobas, Hermas ongko boko somadikan bukai inyo bosamo-samo agatn sia'.

Efesus 1:4

Obai, sobolupm Allah mombulah dunia ni'in, Sio udah momilih kito monjadi umat-Nyo dalapm Kristus. Tujuan-Nyo oca' kito monjadi borosih, co bodosa di hadapan-Nyo.

2 Tesalonika 2:13

Apo, boko somadikan, Tuhatn mongasihi kaitn. Koi bosukur ko Allah obai kaitn. Cucu' koi bosukur obai Allah momilih kaitn. Doi' mulonyo, Allah momilih kaitn oca' kaitn disolamant'an. Koi momboritoan Kabar Boi' inyo bondar ko kaitn. Ongko kaitn pocayo borito nantai. Roh Allah jam hala bulah kaitn mongkitn suci. Nianam caro kaitn ditingkau ongko disolamant'an oca' kaitn bodapat bagian doi' kohormatan Yesus Kristus, Tuhatn kito.

1 Timotius 5:2

Padahicam boko botina' inyo lobih tuho doi' kolai nantai samo sama'an indai kolai siku'. Ubo nian jam agatn botina' inyo lobih muda' doi' kolai, kolai gola' agatn hati inyo boi' moanggap sia' samo sama'an adikng kolai siku'.

2 Yohanes 1:1

Surat ni'in doi' ku, inyo momimpitn kaitn. Ko inyo tohormat: Indai inyo udah dipilih Allah huatan poana'an kolai. Aku bondar-bondar mongasihi kaitn. Bukainyo bayo aku, apo kaitn pan dikasihi jam ulih somuo urakng inyo pocayo agatn ajaran inyo bondar.