Roma 15:8 - Porjanjian Boharu Torjomahan Baso Dilakng Soari-ari

⁸ Masud ku ubo ni'inan: watu Kristus datakng, Sio molayati banso Yahudi pakai' monunju'an obai Allah sotia monopat'i boko janji-Nyo ko angki-bayatn sia'.

Roma 15:8 ပူးပေါင်းရင်းမြစ်များ

Matius 15:24

Jadi, Yesus monimbasi botina' nantai, “Allah bayo moutus Aku ko boko urakng Israel. Sia' samo ubo domba inyo sosat.”

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Yohanes 1:11

Sio datakng ko banso-Nyo siku', ia'an banso Yahudi. Apo sia' kinyo pocayo agatn Sio.

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Kisah Boko Rasul 13:46

Apo Paulus ongko Barnabas kinyo gola'. Sia' bopandir, “Yesus moutus koi pakai' monyampaian Kabar Boi' mongona'i Sio. Koi gola' monyampaian lobih doholu ko kaitn, boko urakng Yahudi. Apo kaitn co honda' monorima' nantai. Rotinyo, kaitn kinyo moanggap diri cucu' monorima' hidup somanah-manahnyo. Obai nantai, ni'inan koi moninggalan kaitn ongko botula' molayati boko banso inyo bukainyo urakng Yahudi.

Roma 11:22

Jadi, kito ulih moniant obai Allah boi' hati apo Sio pan koras aman monsio gola' dihukupm. Sio botindak koras agatn boko urakng Yahudi nantai inyo kinyo pocayo. Apo Sio boi' hati agatn kaitn, asal kaitn totap hidup di dalapm koboi'an Allah nantai. Aman cado, kaitn tajahan dipatahan jam.

Roma 11:30

Komai, kaitn kinyo taat agatn Allah. Apo obai sia' co taat, jadi Allah monunju'an bolas-kasihan ko kaitn.

Roma 15:16

ia'an nantai Sio moutus aku monjadi urakng inyo molayati Kristus Yesus di antaro boko banso bukainyo banso Yahudi. Aku samo sama'an imam inyo moonju' posombahan ko Allah. Obai, aku momboritoan Kabar Boi' doi' Allah ko sia' oca' sia' ulih ditorima' Allah obai Roh Allah bulah sia' monjadi borosih doi' dosa.

Roma 3:26

Apo ni'inan, Allah monunju'an Sio adil obai Sio mohukupm dosa. Yesus inyo monobus hukupan dosa nantai. Allah monunju'an diri-Nyo bondar ongko monunju'an obai urakng inyo pocayo ko Yesus monjadi bondar di hadapan-Nyo.

Roma 3:3

Apo sama'an apo aman ado urakng Yahudi inyo kinyo sotia ko Allah? Apobai nantai paca'an mombulah Allah kinyo sotia monopat'i boko janji-Nyo ko sia'?

Roma 4:16

Obai nantai am kobondaran bodasaran kopocaya'an oca' morupoan poonju' inyo cuma-cuma doi' Allah, sampai janji nantai bolaku pakai' somuo koturutan Abrahapm, bukainyo bayo pakai' sia' inyo hidup doi' hukupm Torat, apo jam pakai' sia' inyo hidup doi' iman Abrahapm. Obai Abrahapm ia'an bopai kito somuo,

1 Korintus 1:12

Masudku, ado di antaro kaitn inyo bopandir, “Aku urakng doi' kolompok Paulus.” Ado inyo bukai bopandir, “Aku urakng doi' kolompok Apolos.” Damo “Aku urakng doi' kolompok Petrus.” Ado inyo bukai agi' inyo bopandir, “Aku urakng doi' kolompok Kristus.”

1 Korintus 10:19

La'apo masudku inyo sobondarnyo? Aku co bomasud aman boko duato bondar-bondar hidup. Aku pan co bomasud aman dagikng inyo diposombahan ko boko duato nantai kinyo lobih boroti daripado dagikng biaso.

1 Korintus 10:29

Kohonda'ku cado saro hati kocit kolai, apo saro hati kocit urakng nantai. Mongkitn ado doi' kaitn inyo botakutn, “Hibo kobebasaku gola' dibatasi ulih saro hati kocit urakng bukai?

1 Korintus 15:50

Boko somadikan, ni'in inyo pontikng pakai' dikotohu'i: Bukakng-tubuh kito ni'in, ia'an dagikng huatan darah, kinyo ulih mansu' Koraja'an Allah nononyo. Bukakng-tubuh kito ni'in dapat mati. Jadi, bukakng-tubuh sama'an ni'in kinyo dapat hidup somanah-manahnyo.

Efesus 2:12

Watu nantai, kaitn bolupm mongonal Kristus. Kaitn ia'an urakng asikng, bukainyo warga banso Israel inyo dipilih Allah. Kaitn bukainyo urakng inyo bodapat la'apo pan inyo dijanjian Allah. Jadi, kaitn co nyiant harapan. Kaitn hidup di dunia ni'in kinyo mongonal Allah.