Roma 15:32 - Porjanjian Boharu Torjomahan Baso Dilakng Soari-ari

³² Agatn ubo nantai, aman Allah moijitan, aku tajahan datakng ko kaitn agatn sonang hati. Timpu aku bosamo kaitn, bukakng ongko hati ku dapat dikuatan agi'.

Roma 15:32 ပူးပေါင်းရင်းမြစ်များ

Kisah Boko Rasul 27:1

Jadi, gubernur Festus momutusan obai Paulus gola' bolayar ko kota Roma di propinsi Italia. Festus monyorahan Paulus huatan boboropo urakng bukai inyo ditahatn ko siku' urakng powira. Damonyo Yulius. Io anggota doi' pasukan husus Kaisar negara Roma.

Roma 15:29

Aku tohu timpu aku datakng monjongu' kaitn, aku tajahan mombaba' banya' borokat doi' Kristus pakai' kaitn.

1 Korintus 16:18

Obai, sia' monyonangan hatiku, samo sama'an sia' monyonangan hati kaitn. Obai nantai, hormaticam sia' huatan urakng bukai samo sama'an sia'.

1 Korintus 4:19

Apo aman Tuhatn mongohonda'i, aku paca'an copat datakng ko kaitn. Watu nantai, aku co paca'an borotian pomandiran boko urakng inyo buhau nantai. Aku honda' moniant aman sia' bondar-bondar ado kuaso Allah dalapm hidup sia'.

2 Korintus 7:13

Obai hasil nantai, jadi hati koi dikuatan. Solaitn nantai, koi pan sonang bondar agatn moniant obai Titus sonang. Obai, kaitn somuo bulah hatinyo tenang.

2 Timotius 1:16

Apo Onesiforus kinyo malu obai aku ditahatn dalapm ponjara. Watu io ado di kota Roma ni'in, io bousaha koras pakai' monggoyapi aku. Lopas udah monomuan aku, io opat datakng mongkongkanti'i aku. Kolai udah tohu io opat jam molayati di kota Efesus. Obai nantai, aku bodoa oca' Tuhatn monunju'an kasih-Nyo ko io pado ari Tuhatn mohakipi somuo urakng huatan monunju'an kasih ko somuo urakng inyo monotap dalapm rumahnyo.

Filemon 1:20

Oi, Somadikanku! Ku harap kolai monjadi boguno bagiku obai kito somadikan dalapm Tuhatn Yesus Kristus. Hiburcam hatiku agatn monorima' Onesimus agi'.

Filemon 1:7

Somadikanku! Kolai udah monyegaran hati boko urakng inyo husus umputn Allah. Obai kasih kolai nantai, jadi aku kotakan sonang bondar huatan hati ku botambah somangant.

Yakobus 4:15

Jadi, soharusnyo kaitn bopandir sama'an ni'inan, “Aman Tuhatn moijitan, koi paca'an hidup huatan koi ulih molabuhan ni'in damo nianan.”