Roma 15:31 - Porjanjian Boharu Torjomahan Baso Dilakng Soari-ari

³¹ oca' Tuhatn molinduki aku doi' boko urakng inyo kinyo pocayo di doerah Yudea inyo honda' monyakitiku. Tulukng bodoa jam oca' polayatanku pakai' Yerusalem ditorima' agatn boi' boko urakng inyo pocayo di siatn.

Roma 15:31 ပူးပေါင်းရင်းမြစ်များ

Kisah Boko Rasul 22:24

Ongko, komandatn pasukan nantai lansukng monyiuh oca' Paulus dibaba' mansu' ko dalapm markas. Io moonji'i porintah oca' Paulus diporiso kapikng dipodularan. Io honda' tohu ma'apo boko urakng banya' nantai mondorah kotakan godi agatn Paulus sama'an nantai.

Kisah Boko Rasul 25:2

Di su'utn, boko imam kopala' huatan boko pomimpitn urakng Yahudi inyo bukai datakng ko io. Sia' monyampaian ko gubernur Festus boko tuduhan sia' tohadap Paulus.

Kisah Boko Rasul 25:24

Lopas nian Festus bopandir, “Rajo Agripa huatan somuo inyo hadir di si'itn. Kaitn tiat urakng ni'in. Io dituduh ulih somuo urakng Yahudi, boi' inyo ado di Yerusalem honda' pan inyo ado di si'itn. Sia' udah datakng ko aku kapikng mondongkakng-mondorah obai io kinyo ulih hidup lobih manah.

Kisah Boko Rasul 9:13

Apo Ananias bopandir, “Tuhatn, aku udah mondinga' banya' kisah mongona'i Saulus nantai. Di Yerusalem, io banya' mondorako'i urakng inyo pocayo ko Duatn.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Roma 15:25

Apo, ni'in aku tajahan botula' ko Yerusalem pakai' moonju'an bantu'an inyo dionju' pakai' monulukng boko urakng inyo pocayo di su'utan.

1 Korintus 16:15

Boko somadikan, kaitn mongotohu'i Stefanus huatan koluarganyo. Sia' nantai boko urakng potamo di doerah Akhaya inyo pocayo ko Yesus. Sia' jam bousaha monulukng urakng bukai inyo pocayo. Jadi, aku momuhun oca' kaitn

2 Korintus 1:10

Sio udah monyolamant'an koi doi' bohayo komatian nantai. Sio pan paca'an torus monyolamant'an koi. Koi yakitn ongko boharap ko Sio obai Sio paca'an monyolamant'an koi agi'.

2 Korintus 8:4

Doi' hati sia' siku' sia' muhun bondar, ko koi aman sia' suba'mo monulukng moonji'i sumbakan ko boko umant Allah di Yerusalem.

2 Korintus 9:1

Sobondarnyo, aku co pontikng monulis ko kaitn mongona'i bantu'an inyo tongahan dikiripm ko boko urakng inyo pocayo di Yerusalem.

2 Korintus 9:13

Doi' polayatan inyo kaitn labuhan nantai. Sia' tajahan momuji Allah obai kotaatan kaitn tohadap kabar boi' mongona'i Kristus inyo udah kaitn jumpati. Sia' pan paca'an momuji Allah obai kaitn agatn sonang hati moonju' sumbakan ko sia' ongko ko somuo urakng.

1 Tesalonika 2:15

Ia'an, boko urakng Yahudi inyo molawatn Tuhatn Yesus sampai Sio dihukupm mati. Sia' jam inyo mombunuh boko nabi timpu joman komai huatan sia' jam mondorako'i koi. Sia' udah mombulah Allah kinyo sonang. Sia' jam momusuhi somuo urakng,

2 Tesalonika 3:2

Apo kinyo somuo urakng paca'an pocayo ko Yesus. Obai nantaiam, bodoa oca' koi dilinduki doi' boko urakng inyo jahat huatan inyo honda' mondorako'i koi.

2 Timotius 3:11

watu aku mohadapi ajab sonsaro huatan watu urakng mondorako'iku. Kolai moingant agatn jolas la'apo inyo tojadi di kota Antiokhia, Ikonium, ongko Listra. Di su'utn, aku didorako'i agatn bomacapm caro. Apo Tuhatn monyolamant'an aku doi' somuonyo nantai!

2 Timotius 4:17

Apo, watu nantai, Tuhatn monyoroto'iku. Sio moonji'i kokuatan ko aku. Obai nantai, aku ulih momboritoan Kabar Boi' ko urakng inyo bukainyo urakng Yahudi. Watu nantai, aku co dihukupm mati samo sama'an lopas doi' tontorokapan bonatakng buas.