Roma 15:29 - Porjanjian Boharu Torjomahan Baso Dilakng Soari-ari

²⁹ Aku tohu timpu aku datakng monjongu' kaitn, aku tajahan mombaba' banya' borokat doi' Kristus pakai' kaitn.

Roma 15:29 ပူးပေါင်းရင်းမြစ်များ

Efesus 4:13

Kito somuo gola' molayati inyo bukai agatn ubo nian kito monjadi kuat bosatu obai kito somongkitn pocayo huatan somongkitn mongonal Ana' Allah. Kito pan botumbuh sampai monjadi sompurna sama'an Kristus. Kito monjadi kuat pocayo sama'an urakng dewasa

Efesus 1:3

Topujiam Allah, ia'an Bopai doi' Yesus Kristus, Tuhatn inyo bokuaso di pucu' kito. Allah udah moonji'i ko kito somuo borokat rohani doi' sorugo dalapm Kristus.

Efesus 3:19

Kasih-Nyo kotakng bosar sampai kinyo ado urakng inyo ulih momahami somuonyo. Apo aku totap bodoa oca' kaitn ulih mongonal kasih nantai. Agatn sama'an nantai, hati huatan pikiran kaitn paca'an monjadi mongkitn bisi agatn somuo hal inyo ado di dalapm diri Allah.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Roma 15:23

Apo, watu ni'in pokoroja'an ku di boko doerah nantai udah jadiam ongko udah botohutn-tohutn manahnyo aku honda' monjongu' kaitn.

Roma 15:32

Agatn ubo nantai, aman Allah moijitan, aku tajahan datakng ko kaitn agatn sonang hati. Timpu aku bosamo kaitn, bukakng ongko hati ku dapat dikuatan agi'.

2 Korintus 1:15

Obai aku yakitn kaitn paca'an bangga ko koi, jadi aku bohajat pakai' monjongu' kaitn duo kali, oca' kaitn diborokati duo kali. Hajatnyo aku holu monjongu' kaitn,