Roma 15:27 - Porjanjian Boharu Torjomahan Baso Dilakng Soari-ari

²⁷ Agatn sonang hati, urakng bukainyo urakng Yahudi nantai bulah koputusan pakai' monulukng urakng Yahudi. Memang sia' wajib molabuhan nantai obai ubonyo sia' bohutakng ko urakng Yahudi. Masudku, urakng Yahudi ado hubukan agatn Allah ongko sia' mombagian borokat nantai agatn urakng bukainyo urakng Yahudi. Obai nantai, urakng bukainyo urakng Yahudi wajib mombagian borokat doi' dunia ni'in pakai' monulukng urakng Yahudi.

Roma 15:27 ပူးပေါင်းရင်းမြစ်များ

1 Korintus 9:11

Jadi, aman koi udah monanam Kabar Boi' ko kaitn, aku pikir kinyo bolobihan aman koi boharap potulukan hidup doi' kaitn.

Galatia 6:6

Urakng inyo monorima' ajaran doi' Allah gola' monulukng kohidupan urakng inyo mongajarnyo.

Filemon 1:19

Aku, Paulus, monulis ni'in agatn jariku siku' pakai' monjaminnyo: “Aku tajahan molunasinyo nantai.” (Apo, jangan tongkolupatn kolai bohutakng agatn aku ia'an nantai kohidupan kolai inyo boharu dalapm Yesus Kristus.)

Roma 11:17

Apo ado boboropo urakng Yahudi inyo kinyo pocayo ko Yesus. Sia' samo sama'an boko dahatn inyo udah dipatahan doi' kayu nantai. Apo kaitn urakng bukainyo urakng Yahudi inyo pocayo samo sama'an tunas doi' batakng jaitun inyo liar inyo gonti boko dahatn nantai. Samo sama'an tunas dicangkokan ongko ulih hidup doi' gotah urat kayu jaitun nantai, ubo nian jam kaitn monjadi umant Allah ongko mondapat borokat doi' somuo inyo dijanjian ko boko urakng Yahudi inyo potamo.

Matius 6:12

Amputicam kosalahan koi, samo sama'an koi pan moamputi sotiap urakng inyo bosalah ko koi.

Roma 7:14

Kito tohu obai Hukupm Torat boasal doi' Roh Allah. Apo, aku ia'an monsio lomah. Aku culih molawatn kohonda'ku pakai' bodosa.