Roma 15:26 - Porjanjian Boharu Torjomahan Baso Dilakng Soari-ari

²⁶ Obai, boko jomaat di doerah Makedonia ongko Akhaya udah mombulah koputusan pakai' moonji'i sumbakan nantai pakai' monulukng urakng pocayo inyo jaro di Yerusalem.

Roma 15:26 ပူးပေါင်းရင်းမြစ်များ

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Matius 26:11

Kaitn hala ado kosompatan pakai' bulah koboi'an ko boko urakng jaro obai sia' hala ada'an di antaro kaitn. Apo Aku co paca'an hala bosamo-samo agatn kaitn.

Lukas 14:13

Apo, aman kolai moadoan pogai ongko makatn, hundakngbo boko urakng inyo culih mombalasnyo samaꞌan urakng jaro, urakng bokocina'an, urakng lumpuh, urakng buto. Aman kolai bulah ubo nantai, kolai tajahan dapat balasan inyo jouh lobih boi' timpu Allah bulah boko urakng inyo taat ko Sio hidup agi'.”

Lukas 6:20

Lopas nantai, Yesus mongilikng boko murid-Nyo ongko bopandir, “Diborokati bayakan kaitn inyo jaro, obai kaitn ninam inyo anggota koraja'an Allah,

Kisah Boko Rasul 16:12

Doi' su'utn, koi ko kota Filipi. Kota Filipi nantai tomansu' kota inyo pontikng di doerah Makedonia. Kota nantai jajahan urakng Roma. Koi tinggal di su'utn boboropo ari.

Kisah Boko Rasul 16:9

Pado malapm arinyo, Paulus ado poniant'an. Io moniant siku' urakng doi' doerah Makedonia. Urakng nantai bodiritn kapikng momuhun ko Paulus. Katonyo, “Tulukng datakng ko Makedonia pakai' monulukng koi!”

Kisah Boko Rasul 18:12

Pado watu Paulus ija' di kota Korintus, pomorintah Romawi moangkat Galio monjadi gubernur propinsi Akhaya nantai. Watu nantai, boko urakng Yahudi bosamo-samo molawatn Paulus. Sia' mombaba' io ko pohadapan Galio pakai' diadili.

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Kisah Boko Rasul 9:13

Apo Ananias bopandir, “Tuhatn, aku udah mondinga' banya' kisah mongona'i Saulus nantai. Di Yerusalem, io banya' mondorako'i urakng inyo pocayo ko Duatn.

1 Korintus 16:15

Boko somadikan, kaitn mongotohu'i Stefanus huatan koluarganyo. Sia' nantai boko urakng potamo di doerah Akhaya inyo pocayo ko Yesus. Sia' jam bousaha monulukng urakng bukai inyo pocayo. Jadi, aku momuhun oca' kaitn

1 Korintus 16:5

Aku ija' honda' datakng ko kaitn apo aku ado hajat paca'an molalu'i doerah Makedonia doholu.

2 Korintus 1:16

hoyu' monorusan pojalatan ko propinsi Makedonia. Lopas aku bobali' doi' Makedonia, aku honda' monjongu' kaitn agi' oca' kaitn dapat monulukng ku monorusan pojalatanku ko propinsi Yudea.

2 Korintus 11:9

Timpu aku bosamo agatn kaitn, pas aku ado kokurakan, aku co morepotan kaitn. Obai, watu nantai, somuo inyo ku pontikan disodiaan boko urakng pocayo inyo datakng doi' Makedonia. Dalapm somuo hal, aku monjago oca' aku co kalo mombebat'i kaitn. Aku paca'an hala sama'an nian pakai' sotorusnyo!

2 Korintus 2:13

Apo, aku co botomu agatn somadikanku Titus di su'utan. Jadi, hatiku kinyo nyamanam. Obai nantai, aku bokotohuan lalu botula' ko propinsi Makedonia.

2 Korintus 7:5

Pas watu koi datakng di propinsi Makedonia, koi co sampat torahat. Koi mohadapi pondorita'an di mono-mono. Di luar ado urakng inyo molawatn koi. Di dalapm hati koi ado jam kokuatiran.

2 Korintus 9:12

Obai, timpu kaitn molayati ubo ni'in kaitn tajahan monulukng momonuhi kopontikan boko urakng umputn Allah di Yerusalem. Apo bukainyo bayo nantai. Kaitn pan tajahan bulah banya' boko urakng bosukur agatn Allah.

2 Korintus 9:2

Obai, aku udah tohu kaitn bondar-bondar honda' moonji'i sumbakan pakai' nantai. Dalapm hal nantai, ko boko urakng di propinsi Makedonia Aku momuji kaitn. Aku momadahannyo ko sia' obai kaitn di propinsi Akhaya udah siap moonji'i sumbakan doi' tohutn komai. Jadi, somangant kaitn mombulah banya' doi' sia' honda' moonji'i sumbakan jam.

2 Korintus 9:4

Apobilo ado boko urakng Makedonia inyo tuyutku nononyo, lalu sia' moniant obai sumbakan kaitn bolupm siap, jadi koi paca'an malu. Kaitn pan paca'an malu jam dalapm hal nantai.

Filipi 4:15

Boko somadikanku di Filipi! Kaitn siku' udah tohu obai watu ku mula'i momboritoan Kabar Boi', pas aku botula' doi' propinsi Makedonia, conyiant jomaat inyo bukai inyo bokorojo samo agatn aku pakai' hala moonji'i ongko monorima' borokat. Bayo kaitn inyo mondukukng ku agatn caro nantai.

1 Tesalonika 1:7

Obai nantai, caro hidup kaitn ulih ditiru somuo urakng pocayo di propinsi Makedonia huatan Akhaya.

1 Tesalonika 1:8

Kabar Boi' mongona'i Tuhatn Yesus tosebar doi' kaitn ko urakng di propinsi Makedonia huatan Akhaya. Apo kinyo bayo sampai di su'utn. Watu ni'in, boko urakng di mono-mono mondinga' obai kaitn pocayo ko Allah. Obai nantai, watu koi mondataki boko tompat bukai, koi kinyo gola' mongisahan mongona'i kaitn.

1 Tesalonika 4:10

Ruponyo kaitn udah mongasihi somuo urakng inyo pocayo di somuo propinsi Makedonia. Apo koi momadahi oca' kaitn mongkitn lobih mongasihi.

1 Timotius 1:3

Watu aku botula' ko propinsi Makedonia, aku totap minto oca' kolai totap bodiapm di kota Efesus. Aku mongohonda'i sama'an nantai pakai' kolai monosihat'i boko urakng totontu oca' sia' tongga' mongajaran boko ajaran inyo monyosat'an.

Filemon 1:5

Aku bosukur obai aku mondinga' obai kolai bondar-bondar pocayo ko Tuhatn Yesus huatan kolai pan mongasihi somuo urakng inyo husus umputn Allah.