Roma 15:24 - Porjanjian Boharu Torjomahan Baso Dilakng Soari-ari

²⁴ Obai nantai, aku boharap ulih monjongu' kaitn dalapm pojalatanku ko tanah Spanyol. Lopas aku ulih monikmati kunjukanku bosamo agatn kaitn pakai' boboropo manahnyo, ku harap kaitn tajahan monulukng ku molajuan pojalatanku ko su'utan.

Roma 15:24 ပူးပေါင်းရင်းမြစ်များ

Kisah Boko Rasul 15:3

Jadi jomaat di Antiokhia nantai moonju'an sia' sampai ko luar kota. Ongko sia' molajuan pojalatan ko Yerusalem. Sia' molalu'i doerah Fenisia ongko Samaria. Di boko doerah nantai, sia' mongisahan ko boko urakng pocayo di santai, obai banya' urakng inyo bukainyo Yahudi udah monjadi pocayo agatn Yesus. Borito nantai monyonangan hati boko urakng pocayo di santai.

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Kisah Boko Rasul 21:5

Apo lopas udah watunyo, koi totap honda' botula' monuju ko Yerusalem. Somuo urakng pocayo di santai moonju'an koi sampai ko luar kota. Boko ana' bini sia' tuyut jam. Di pinggir pantai, koi somuo tundu' molota'an koputut ongko bodoa.

Roma 1:12

Masudku, watu aku bosamo kaitn, kito samo-samo ulih dikuatan. Ia'an, hati aku paca'an dikuatan obai moniant kaitn bondar-bondar pocayo ko Yesus. Sama'an nian jam, hati kaitn paca'an dikuatan obai kopocaya'anku.

Roma 15:28

Jadi, aku tajahan monjadi'i pogota'an nantai. Aku tajahan moonju' ko sia' di Yerusalem sumbakan nantai inyo udah dikumpulan boko urakng pocayo bukai. Lopas nantai, aku tajahan botula' ko Spanyol ongko singgah ko kota kaitn.

2 Korintus 1:16

hoyu' monorusan pojalatan ko propinsi Makedonia. Lopas aku bobali' doi' Makedonia, aku honda' monjongu' kaitn agi' oca' kaitn dapat monulukng ku monorusan pojalatanku ko propinsi Yudea.

3 Yohanes 1:6

Sia' udah momadahannyo di pohadapan jomaat di si'itn mongona'i kasih kolai. Watu ni'in aku muhun kolai pakai' hala monulukng sia' oca' sia' ulih monorusan pojalatan sia'. Labuhancam nantai agatn caro inyo monyonangan hati Allah.