Roma 15:19 - Porjanjian Boharu Torjomahan Baso Dilakng Soari-ari

¹⁹ Sio pan momakai bomacapm mujisat ongko kuaso Roh Allah. Ubo nianam caronyo aku momboritoan soluruh Kabar Boi' mongona'i Kristus doi' kota Yerusalem sampai ko doerah Ilirikum.

Roma 15:19 ပူးပေါင်းရင်းမြစ်များ

Matius 12:28

Apo, inyo bondar ia'an Aku monundukng roh jahat agatn kuaso Allah. Ongko, nantai rotinyo Koraja'an Allah udah datakng ko kaitn.

Yohanes 4:48

Kato Yesus ko io, “Kaitn bayo pocayo ko Aku aman kaitn moniant mujisat.”

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Kisah Boko Rasul 13:14

Doi' Perga, Paulus ongko Barnabas botula' ko kota Antiokhia, di doerah Pisidia. Watu ari Sabat, sia' mansu' ko rumah sombayakng agama Yahudi ongko dudu' di santai.

Kisah Boko Rasul 13:51

Apo Paulus ongko Barnabas mongibasan dobu doi' kaki sia'. Niannam tando poringant'an ko pondudu' kota nantai obai Allah paca'an mohukupm sia'. Lopas nantai, Paulus ongko Barnabas botula' ko kota Ikonium.

Kisah Boko Rasul 14:10

Agatn saro borakng Paulus bopandir, “Bodiritn totontakngcam!” Lansukng urakng lumpuh nantai moloncat bodiritn. Io uliham bojalatn.

Kisah Boko Rasul 14:20

Apo ado boko urakng di kota Listra inyo udah mula'i pocayo ko Yesus. Sia' datakng huatan bodiritn mongoliliki Paulus. Watu nantai, Paulus bodiritn ongko mansu' agi' ko kota. Kohobu'annyo, io botula' ko kota Derbe bosamo Barnabas.

Kisah Boko Rasul 14:25

Di doerah Pamfilia, ado kota Perga. Di kota nantai jam, sia' momboritoan Kabar Boi'. Ongko, sia' turutn ko polabuhan Atalia.

Kisah Boko Rasul 14:6

Apo sia' duo mondinga' mongona'i hajat nantai. Jadi, sia' morarian diri ko doerah inyo bukai. Sia' botula' ko doerah sokitar kota Listra huatan Derbe di doerah Likaonia.

Kisah Boko Rasul 15:12

Somuo urakng di santai pan kotakan langunt ongko mondinga'an Paulus ongko Barnabas bopandir. Paulus ongko Barnabas mongisahan somuo mujisat inyo udah Allah labuhan dalapm polayatan sia' ko boko urakng inyo bukainyo urakng Yahudi.

Kisah Boko Rasul 16:18

Boari-ari tumbas io molabuhan nantai timpu botomu agatn Paulus. Koponsuahannyo, Paulus kinyo tahatn agi' obai ganggu'an nantai. Jadi, Paulus mongilikng ko bolikat. Katonyo ko roh potonung nantai, “Dalapm damo Yesus Kristus, aku tundukng kolai ko luar doi' botina' ni'in!” Lansukng roh jahat nantai koluar.

Kisah Boko Rasul 17:10

Pado malapm nantai, boko somadikan di santai hagar monyiuh Paulus ongko Silas botula' ko kota Berea. Di su'utn, sia' duo botula' ko rumah sombayakng urakng Yahudi.

Kisah Boko Rasul 17:15

Boko urakng doi' Berea nantai moonju'an Paulus sampai ko kota Atena. Lopas nantai sia' bobali' ko Berea. Paulus boposatn ko sia' oca' Silas ongko Timotius hohagar mombodapan io.

Kisah Boko Rasul 18:1

Lopas nantai, Paulus botula' doi' kota Atena. Io botula' ko kota Korintus.

Kisah Boko Rasul 18:19

Pas sia' datakng di kota Efesus, Paulus mansu' ko rumah sombayakng. Io agatn boko urakng Yahudi di santai bopandir mongona'i Yesus. Sia' mominto io pakai' monotap lobih manah di su'utn. Apo io monula'. Katonyo, “Aman Allah moijitan, aku paca'an datakng agi' ko si'itn.” Jadi, io botula' noi' kapal, apo Priskila ongko Akwila totap tinggal di kota Efesus nantai.

Kisah Boko Rasul 19:1

Timpu Apolos ija' ado di kota Korintus di propinsi Akhaya, Paulus udah mondataki boboropo doerah bukai di propinsi Galatia huatan Frigia. Io bojalatn torus sampai di Efesus di propinsi Asia. Di santai io botomu agatn boboropo urakng inyo pocayo.

Kisah Boko Rasul 20:20

Biar pan ubo nian, aku totap momboritoan mongona'i Yesus. Aku co kalo monahan sobuti' ajaran pan inyo boguno pakai' kaitn. Aku mongajar di muka' umum honda' pan doi' rumah ko rumah.

Kisah Boko Rasul 20:6

Koi singgah di kota Filipi. Lopas jadi ari rayo Roti Co Boragi, koi bolayar ko Troas. Lopas jadi lima' ari pojalatan, koi duo datakng. Di santai koi botomu agatn sia' inyo mondoholu'i koi. Koi somuo tinggal di su'utn somanah tujuh ari.

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

Roma 15:16

ia'an nantai Sio moutus aku monjadi urakng inyo molayati Kristus Yesus di antaro boko banso bukainyo banso Yahudi. Aku samo sama'an imam inyo moonju' posombahan ko Allah. Obai, aku momboritoan Kabar Boi' doi' Allah ko sia' oca' sia' ulih ditorima' Allah obai Roh Allah bulah sia' monjadi borosih doi' dosa.

Roma 15:24

Obai nantai, aku boharap ulih monjongu' kaitn dalapm pojalatanku ko tanah Spanyol. Lopas aku ulih monikmati kunjukanku bosamo agatn kaitn pakai' boboropo manahnyo, ku harap kaitn tajahan monulukng ku molajuan pojalatanku ko su'utan.

1 Korintus 2:4

Watu aku momboritoan Kabar Boi', aku kinyo momakai kopintar-corodi'an monsio pakai' moyakit'an kaitn oca' monjadi urakng pocayo. Apo aku momboritoan agatn caro inyo monunju'an obai Roh Allah bokuaso.

2 Korintus 12:12

Timpu aku bosamo agatn kaitn, aku mombutiannyo ko kaitn obai aku ninam rasul inyo bondar. Agatn sabar aku molabuhan somuo macapm mujisat, boko porbuatan luar biaso inyo monunju'an kuaso Tuhatn.

Galatia 3:5

Allah moonju' Roh-Nyo ko kaitn. Sio molabuhan banya' mujisat di antaro kaitn. Allah molabuhan nantai obai kaitn monaati somuo porintah huatan poraturan Allah inyo ditulis Musa dalapm buku Hukupm Torat? Samo sokali cado! Allah molabuhan nantai obai kaitn pocayo Kabar Boi' mongona'i Yesus inyo ku boritoan ko kaitn.

Kolose 1:25

Allah mompocayoan aku agatn tugas molayati boko urakng inyo pocayo. Sio monyiuh aku pakai' monyampaian ko kaitn socaro longkap boko Pomandiran doi' Sio,

1 Tesalonika 1:5

Obai watu koi momboritoan Kabar Boi' ko kaitn, koi kinyo bayo momakai boko pomandiran koi modas. Apo kuaso Roh Allah monulukng koi monyampaiannyo huatan koi kotakng yakitn aman Kabar Boi' nantai bondar. Kaitn mongotohu'i somuo nantai obai kaitn udah moniant caro hidup koi. Watu koi ado di antaro kaitn, koi molayati kaitn.

2 Timotius 4:17

Apo, watu nantai, Tuhatn monyoroto'iku. Sio moonji'i kokuatan ko aku. Obai nantai, aku ulih momboritoan Kabar Boi' ko urakng inyo bukainyo urakng Yahudi. Watu nantai, aku co dihukupm mati samo sama'an lopas doi' tontorokapan bonatakng buas.

Ibrani 2:4

Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.

1 Petrus 1:12

Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.