Roma 14:5 - Porjanjian Boharu Torjomahan Baso Dilakng Soari-ari

⁵ Ado urakng inyo bopikir ado ari totontu inyo lobih pontikng daripado ari inyo bukai. Apo, ado jam urakng inyo bopikir somuo ari samo ja'. Sotiap urakng gola' yakitn dalapm hatinyo siku' obai io molabuhan la'apo inyo bondar di hadapan Tuhatn.

Roma 14:5 ပူးပေါင်းရင်းမြစ်များ

Lukas 1:1

Ko inyo tohormat, Teofilus: tangga'i; potamo Yesus ado di dunia, ado boko urakng inyo moniant agatn matonyo siku'. Sia' molayati Allah agatn caro monyampaian borito mongonaꞌi Yesus nantai. Sia' pan monyampaian borito nantai ko kito duo, samaꞌan nian jam ko boko urakng inyo mondinga' borito nantai. Banya' doi' sia' bousaha monulis niant apo boko kojadian nantai udah tojadi di tongah-tongah kito.

Roma 14:14

Obai aku bosatu agatn Tuhatn Yesus, jadi aku tohu obai conyiant ado la'apo pan inyo pomali. Aku yakitn mongona'i nantai. Apo, aman ado urakng inyo bopikir obai ado sosuatu inyo campah, memang bagi io hal nantai pomali.

Roma 14:23

Apo, aman ado urakng inyo gangga'-gua'an ongko io totap bopua' lapo inyo io pikir nantai campah, jadi io salah di hadapan Allah. Obai, porbuatannyo bolawatan agatn kopocaya'annyo. Somuo hal inyo urakng labuhan, aman io co pocayo obai nantai bondar, jadi nantai am dosa.

Roma 4:21

Io kotakan pocayo obai Allah bokuaso molabuhan la'apo inyo udah dijanjian ko io.

1 Korintus 8:11

Agatn ubo nantai ‘pongotohuan’ kaitn mongona'i nantai, bulah io molabuhan dosa, sampai io monjadi bonaso agatn caro nantai, kaitn bodosa tohadap io. Padohal, Kristus mati pakai' monyolamant'an io jam.

1 Korintus 8:7

Apo ado boko urakng inyo bolupm mongotohu'i somuo nantai. Komainyo nantai sia' udah biaso momposombahan dagikng bonatakng ko boko duato. Biar pan watu ni'in udah pocayo ko Yesus, sia' ija' bopikir aman bopua' dagikng nantai boroti monyombah duato. Sampai ni'in hati sia' kurakng yakitn jadi sia' mooso bosalah aman sia' bopua' dagikng nantai.